| e-texts navigator |
| Wylie |
322b1 མནར་མེད་དམྱལ་བར་ལྟུང་། །དད་དང་དམ་ཚིག་ལྡན་པ་ཡིས། །ཕུན་སུམ་ཚོགས་པ་ཀུན་གཏོང་ཞིང་། །དམ་པའི་ཡོ་བྱད་ལྡན་གྱུར་པས། །ལུས་དང་སྲོག་ལའང
322b2 མི་ལྟ་ན། །དམན་པའི་ལོངས་སྤྱོད་ནམ་ཡང་མིན། །ཐེག་པ་ཆེ་ལ་མོས་པ་དང་། །བརྟུལ་ཞུགས་སྙིང་བརྩེར་གུས་པར་ལྡན། །རྡོ་རྗེ་སློབ་དཔོན་བསྙེན་བསྐུར་ཞིང་། །སྐྱོན
322b3 དང་སྤྱོ་བ་ཡོངས་སུ་བཟོད། །བསྐལ་པར་འགྲོགས་ཀྱང་ཡིད་མི་འཁྲུག་།ཉེས་དང་ལེགས་པ་ཅི་ལ་ཡང་། །ངོ་མཚར་སྐྱོ་བའི་འདུ་ཤེས་མེད། །རང་བཞིན་བཟང
322b4 དང་ཚུལ་ཤིས་དང་། །འགྲོགས་པས་དུག་ནང་མི་སྡང་བའི། །དམ་པ་འདི་ལ་གསང་བ་གཏད། །སློབ་དཔོན་མན་ངག་མི་ལྡན་ཅིང་། །གསང་བའི་དོན་ལ་མ
322b5 གོམས་པས། །རང་རྟགས་ལོག་པའི་ཚད་མ་ཡིས། །གསང་བའི་སྦས་དོན་གཏན་ལ་འབེབས། །བླུན་པོ་མུན་པས་ཆོད་པ་རྣམས། །ལོག་པར་ཞེན་པའི་རྗེས་འབྲངས
322b6 ནས|་|མཐོང་བའི་ཆོས་ལ་དམྱལ་བར་སྨིན། །དེ་བཞིན་གཤེགས་པ་ཐམས་ཅད་ཀྱི། །ཕྱག་རྒྱ་གསང་ཆེན་སྙིང་པོ་འདི། །མ་ལུས་ཀུན་གྱི་གསང་ཡིན་པས། །
322b7 རྟོགས་ནས་གསལ་བར་གང་བྱེད་པ། །དབང་དང་དཀྱིལ་འཁོར་རྫོགས་པ་སྟེ། །བདག་དང་གཞན་དོན་ལྷུན་གྱིས་གྲུབ། །རྡུལ་སྙེད་ཞིང་ལ་བསྙེན་བཀུར་ཞིང་། །
iiif viewer powered by OpenSeadragon
