| e-texts navigator |
| Wylie |
322a1 གསང་བ་འདི་ནི་གཏད་པར་མཛད། །ང་ཡི་གསང་བའི་སྙིང་པོ་འདི། །དུས་གསུམ་སངས་རྒྱས་ཐམས་ཅད་ཀྱི། །བསྟན་པ་ཀུན་གྱི་རང་བཞིན
322a2 ཏེ|་|མ་ལུས་ཀུན་གྱི་ཐབས་སུ་སྣང་། །གསང་སྔགས་རྡོ་རྗེ་ཐེག་པ་སྟེ། །དཔལ་ལྡན་སྒྱུ་འཕྲུལ་ཐུགས་ཀྱི་རྒྱུད། །ཆོས་རྣམས་མ་ལུས་ཀུན་སྣང་བ། །གསང་བའི་མེ
322a3 ལོང་ཐབས་ཀྱི་རྒྱུད། །རྒྱལ་བ་རྡུལ་སྙེད་ཀུན་འདུས་ནས། །དམ་པ་འདི་ལ་བསྔགས་པར་མཛད། །སྒྱུ་འཕྲུལ་དྲ་བའི་རྒྱུད་ཆེན་པོ། །ཟབ་མོའི་ལུང་གི་ངེས་དོན་འདི།།
322a4 རིགས་ཆད་དམན་པའི་གང་ཟག་གིས། །ཐམས་ཅད་ལ་ནི་མེ་ལོང་ལྟར། །བལྟས་ཀྱང་གཟུགས་བརྙན་མི་སྣང་བས། །སྟོན་པ་གཉིས་ལ་རྒྱབ་ཕྱོགས་ཤིང་།།
322a5 བརྟགས་པས་ཕྱི་རོལ་ཆོས་ལ་ཞེན། །སློབ་དཔོན་ལ་ནི་བརྙས་བྱེད་དང་། །རྡོ་རྗེ་སྤུན་ལ་སྡང་སེམས་ཆེ། །ཟབ་མོའི་དོན་ལ་སྐུར་བྱེད་ཅིང་། །གསང་རྒྱུད་དོན་ལ
322a6 འཕྱ་བ་དང་། །སེར་སྣ་རང་ཕྱོགས་ཆགས་པ་ཆེ། །དད་དང་དམ་ཚིག་མི་ལྡན་ཞིང་། །རྒྱལ་སྲིད་རིན་ཆེན་མི་གཏོང་བའི། །ཕྱི་ནང་གཉིས་ལྟའི་གང་ཟག་ལ། །བསྐལ་པ་ཞིང་གི་རྡུལ་སྙེད་དུ། །
322a7 ལུས་སེམས་བྲལ་བར་བྱེད་གྱུར་ཀྱང་། །གསང་བའི་གླེགས་བམ་མི་བསྟན་ན། །དབང་དང་དངོས་གྲུབ་ནམ་ཡང་མིན། །རྨོངས་པས་གལ་ཏེ་བྱིན་ན་ནི། །དེ་ཉིད
iiif viewer powered by OpenSeadragon
