| e-texts navigator |
| Wylie |
321b1 བྱས་མིན་སྐྱེ་འཇིག་མེད། །དམ་པའི་ཐུགས་ལ་བྱུང་ཚོར་གཡོ་འགོག་ཅི་ཡང་མེད་པས་བདེ་ཧོ། །སྒྱུ་འཕྲུལ་དྲ་བའི་སྐུ་ནི་སྣ་ཚོགས་འོད་འབར་བདེ་བའི་སྐུ། །སྣ
321b2 ཚོགས་མཐའ་ཡས་ཇི་ལྟར་སྣང་བ་ངོ་བོས་དབེན། །དེ་ཉིད་འདུ་བའི་ཐབས་ཀྱིས་དེ་ལྟར་ཡིད་འཕྲོག་ཚིམ་པའི་སྐུ། །མཐའ་ཡས་སྣ་ཚོགས་བྱེ་བ་ཇི་ལྟར་གསལ
321b3 ཡང་ནམ་མཁའི་ངང་དུ་བྱེ་བྲག་མེད་ཧོ། །སྒྱུ་འཕྲུལ་དྲ་བའི་ཡོན་ཏན་ཡིད་བཞིན་ནོར་བུ་རིན་པོ་ཆེ། །མི་ཟད་པར་ལྡན་རྒྱན་གྱི་འཁོར་ལོ་དཔག་མེད་རྒྱས་པར་སྣང་། །འགྲོ
321b4 བ་རྣམས་ཀྱི་ཡིད་འཕྲོག་བལྟས་པས་ཆོག་ཤེས་མེད་པར་མཛེས། །རྒྱལ་བ་མ་ལུས་ཡོན་ཏན་རྫོགས་པར་སྣང་ལ་དེ་དག་མཐའ་ཐུག་མེད་ཧོ། །སྒྱུ་འཕྲུལ་དྲ་བའི
321b5 གསུང་ནི་ཟབ་ཅིང་རྒྱ་ཆེར་ནམ་མཁའ་འདྲ། །མ་ལུས་གོ་ཞིང་ཚིམ་མཛད་རྡོ་རྗེའི་སྒྲ་འབྱིན་སྙན་སྒྲོག་པ། །རྡོ་རྗེ་སྒྲ་ཆེན་མཐའ་ཡས་མེས་དང་འཐད་པ་དེ་བཞིན་རྣམ་པར
321b6 སྣང་ཧོ། །སྒྱུ་འཕྲུལ་དྲ་བའི་འཕྲིན་ལས་སྣ་ཚོགས་བྱ་བ་ལྷུན་གྱིས་གྲུབ། །བསྐལ་པ་ཞིང་གི་རྡུལ་སྙེད་འགྲོ་བ་མ་ལུས་ཀུན་འདུལ་བ། །ཐབས་དང་ཤེས་རབ་འདུ
321b7 འབྲལ་མེད་པའི་རྫུ་འཕྲུལ་སྣ་ཚོགས་འདི་ནི་རྣམ་པར་རོལ་ཧོ། །དེ་ནས་རྒྱལ་མཆོག་སྐྱེས་བུ་ཡིས། །རྡོ་རྗེ་འཛིན་པ་ལ་སོགས་པ། །བྱེ་བ་རྡུལ་སྙེད་བཅས་པ་ལ། །
iiif viewer powered by OpenSeadragon
