| e-texts navigator |
| Wylie |
316b1 པ|་|ཟག་མེད་ཐིག་ལེར་རོ་གཅིག་པས། །ནམ་མཁའི་གཟུགས་ཅན་དེ་བཞིན་ཉིད། །སྐུ་བཞི་འདུས་པའི་ཁམས་ཐིག་ལེ། །དྭངས་མ་ལྔ་འདུས་སྙིང་པོ་ཅན། །གསུམ
316b2 འདུས་མི་འགྱུར་སྙིང་པོ་སྟེ། །བདེས་གང་བཞི་བཅུ་རྩ་གཉིས་པོ། །ཐིག་ལེ་རོ་ཡིས་གང་ཕྱེ་བ། །དཔག་མེད་སྐུ་གསུང་ཡོན་ཏན་ཐུགས། །བསམ་གྱིས་མི་ཁྱབ
316b3 ཡང་སྣང་བ། །ཐིག་ལེ་ཕྱག་རྒྱ་བསམ་མི་ཁྱབ། །ཕྱི་ནང་དྭངས་སྙིགས་མ་ལུས་པ། །རང་བྱུང་དྭངས་མའི་ཐིག་ལེ་ཉིད། །གཞན་མེད་ཕྱོགས་མེད་རང་སྣང་བ། །ཕྱོགས
316b4 མེད་བདེ་བ་ཆེན་པོ་ཉིད། །གསང་བའི་ཐིག་ལེ་ཆེན་པོ་ནི། །ཡོན་ཏན་རྫོགས་པའི་ངོ་བོ་སྟེ། །བདེ་བ་ཆེན་པོའི་སྙིང་པོ་ལས། །དཔག་མེད་ཡོན་ཏན་རྣམ་པར་འཕྲུལ།།
316b5 བདེ་བ་ཆེན་པོའི་ཐིག་ལེ་ནི། །འདུ་འཕྲོ་བྲེལ་བས་ཟག་པ་མེད། །ཕྱོགས་རིས་འདས་པས་མ་ཁྱབ་མེད། །ཐོག་མཐའ་མེད་པར་མཉམ་པ་ཡིན། །རྒྱལ་བ་ཀུན་གྱི་རང
316b6 བཞིན་ཏེ། །ཐིག་ལེ་རོ་ལ་མཉམ་བཞུགས་པས། །ནམ་མཁའི་མཐས་གཏུགས་ཆོས་ཐམས་ཅད། །བདེ་བ་ཆེན་པོར་གསལ་བར་མྱོང་། །མཚན་དང་དཔེ་བྱད
316b7 ཚད་འདས་པ། །རང་ལ་རྫོགས་པའི་ཐིག་ལེ་ཉིད། །ཇི་སྙེད་བདེ་བའི་རོལ་བ་ཀུན། །རང་ལ་རྫོགས་པ་ཉིད་དུ་གནས། །སངས་རྒྱས་ཀུན་གྱི་བདེ་བ་ནི། །རང་བྱུང
iiif viewer powered by OpenSeadragon
