| e-texts navigator |
| Wylie |
308a1 རིམ་པར་མ་བཀོད་རྫོགས། །མ་ལུས་ཡོན་ཏན་རང་ཤར་བས། །ཐམས་ཅད་མ་ལུས་མ་འདའ་ལ། །ཚོགས་གཉིས་རྫོགས་པའི་འབྲས
308a2 བུ་ཉིད|་|དབང་པོ་གཅིག་ཅར་སྤྱོད་ཡུལ་ཡིན། །གང་སུ་བློ་དང་མོས་པ་དང་། །རྟོགས་ཆུང་མཚན་མ་དགའ་བ་ལ། །ཐུན་མོང་སྒོ་མཐུན་ཁྱད་པར་ཅན། །རིམ་པའི་རྣལ
308a3 འབྱོར་བརླབ་པར་བྱ། །དང་པོར་ཕྱི་ནང་སྣོད་བཅུད་ཀུན། །རངས་ཉིད་ན་མི་དམིགས་པ། །མ་བཅོས་མ་བསལ་མི་གནས་པ། །དངོས་པོ་ཅི་ཡང་མི་བརྟག་ཅིང་། །དེ་ཉིད
308a4 ལ་ཡང་མི་རྟོག་པ། །འཛིན་རྟོག་ཞེན་པ་མི་གནས་པར། །བསམ་དང་བསམ་བྱ་མེད་ཚུལ་གྱིས། །བདག་གཞན་ཕྱི་ནང་མ་ལུས་པ། །གང་གི་ངོ་བོར་མ་གྲུབ་པ། །ཅི
308a5 ལའང་མི་གནས་སྦྱོར་བ་ཡིས། །རང་སར་མི་རྟོག་ངོ་བོ་ཉིད། །བཅོས་པ་མེད་པའི་ཚུལ་དུ་བསྒོམ། །གལ་ཏེ་མཚན་མའི་རྒྱུ་བ་དག་།ཆུ་ལས་རྙོག་པའི་ཚུལ་བྱུང
308a6 ན|་|མ་བཅོས་རང་བཞིན་བཞག་པ་ཡིས། །མ་ལུས་རྟོག་མེད་དེ་བཞིན་ཉིད། །རང་བཞིན་བཞག་པས་དག་པར་འགྱུར། །ནམ་མཁའ་དག་པར་འགྱུར་བའི་ཚེ། །
308a7 སྤྲིན་ཀྱང་རང་བྱུང་དག་པ་ལྟར། །བྱུང་ཚོར་དྲན་རྟོག་མ་ལུས་པ། །ཆོས་ཉིད་སྟོང་པའི་རང་བཞིན་ནོ། །གང་དུ་སྣང་སྲིད་མ་ལུས་པ། །ཕྱི་ནང་མེད་པའི་སེམས་ཉིད་དེ།།
iiif viewer powered by OpenSeadragon
