| e-texts navigator |
| Wylie |
223b1 དང་སྒྲོལ་བར་མཛད་པས་ན། །རྟ་མགྲིན་རྒྱལ་པོ་དེ་བཤད་དོ། །འཁོར་བའི་བདུད་རྩི་དུག་ལྔ་ལ། །ཡེ་ཤེས་ལྔ་རུ་གསལ་གོམས་པས། །གཉིས་མེད་རྩི་རུ་གང་འཁྱིལ་བ། །སྒྲིབ་ཟད
223b2 བདུད་རྩི་འཁྱིལ་བར་བཤད། །གང་དུ་ལུས་དང་བཅས་པ་ཡི། །དབང་པོ་ཡུལ་དང་རྣམ་ཤེས་རེག་།རང་རྒྱུད་གཅད་པའི་ཡེ་ཤེས་ཉིད། །སྒོ་བ་རྣམ་པ་བཞི་རུ་གསུངས། །རང་རྒྱུད་རྟག་ཆད
223b3 ཟློག་པ་དང་། །གཟུངས་དང་ལྷ་དང་བདེ་བ་དང་། །ཐིག་ལེ་རིག་པར་བཅས་པ་ཉིད། །གང་ཕྱིར་གནས་ནས་དགུག་པ་དང་། །གང་དུའང་འགྲོ་བར་མི་ནུས་པ་དང་། །དེ་ལས་འདའ་བར་དཀའ
223b4 བ་དང་། །བསྟིམས་ནས་བདེ་བས་དྲིལ་བུ་མ། །གཟུང་དང་འཁྱུད་དང་བསྡམས་པ་དང་། །གཉིས་སུ་མེད་པས་བདེ་ཆེན་པོ། །རང་ལུས་སྣང་སྲིད་བརྟན་གཡོ་ལ། །རྟོགས་དང་གོམས
223b5 པའི་ཚུལ་གྱིས་སྦྱར། །དེ་དག་མ་ལུས་དྲན་བྱེད་པ། །རིག་པའི་རྒྱལ་པོ་ཀུན་དབྱེར་མེད། །ཀུན་གཞི་རྡོ་རྗེ་མི་ཕྱེད་པ། །ཀུན་ཏུ་བཟང་པོར་དེ་བཤད་དོ། །མ་ལུས་འདུས་བྱས་མ
223b6 བྱས་ཆོས། །མ་ལུས་ཟད་མེད་ཁྱབ་པའི་དབྱིངས། །རྟོགས་དང་ཤེས་དང་གང་གྱུར་པ། །ཀུན་ཏུ་བཟང་མོར་དེ་བཤད་དོ། །མི་ཤིགས་ཐིག་ལེ་བདེ་ཆེན་པོ། །ཡེ་ཤེས་ལྔ་ལྡན
223b7 དྭངས་མའི་བཅུད། །རང་བྱུང་ལུས་ཅན་ཀུན་གནས་པ། །སྟོན་པ་པོ་ཡི་གསུང་ཅན་ཉིད། །དྷརྨ་ཙཀྲ་ཆོས་ཀྱི་གནས། །འོད་བཞི་ཨེ་ཚོགས་ཚུལ་དུ་ནི། །ལུས་སྦས་པ་ཡི་ཚུལ
iiif viewer powered by OpenSeadragon
