| e-texts navigator |
| Wylie |
222b1 གསང་བའི་རྣམ་པར་ཤེས་པར་ནི། །ཐུན་མོང་ཡུལ་དང་ཁྱད་པར་ནི། །ཐབས་དང་ཤེས་རབ་འབྲེལ་པ་ལས། །མཚོན་དང་རྟོགས་དང་བསྒོམས་པ་ཡིས། །ལྷ་ཡི་བཞིར་ནི་མངོན
222b2 སྣང་བ|་|བྱང་ཆུབ་སེམས་དང་བདེ་བ་དང་། །ཐབས་ཀྱི་བདེ་བས་རབ་སྒེགས་པས། །ལྷ་མོ་འདི་ནི་སྒེག་མོར་བཤད། །གྲོལ་དང་མ་གྲོལ་འཁོར་བ་ཡི། །ཕྱི་ནང་སྒྲ་ཡི་བྱེ་བྲག
222b3 ཀུན|་|བྲག་ཅ་ལྟ་བུར་བརྗོད་མཛད་པས། །བར་ཆད་མེད་པས་ཕྲེང་བ་མ། །ཚིམ་པའི་ངོ་བོ་གང་བསྟན་པ། །དྲི་དང་ལྡན་པའི་ཁྱད་པར་ཉིད། །དབྱངས་ཉིད་ཚིམ་ཞིང་ཡིད
222b4 བདེ་བས། །དེ་ཉིད་རྡོ་རྗེ་གཱི་རྟ་མ། །རོ་ཡིས་ཁྱབ་ཅིང་གར་སྒྱུར་ལྟར། །བདེ་བ་ཆེན་པོ་བཞི་ཡི་གར། །ཁྱབ་དང་མཛེས་དང་ཚིམ་པ་དང་། །མི་གནས་བགྲོལ་བས་གར་མཁན་མ། །
222b5 རྒྱན་དང་ཆགས་པའི་སྒྲ་དག་དང་། །ཡིད་ཀྱི་ཕྲེང་བ་བདེ་བའི་ཕྱིར། །ལྷ་མོ་བཞི་ཡི་རང་བཞིན་ནོ། །མ་རྟོགས་འགྲོ་བ་མཐའ་ཡས་ལ། །རང་བཞིན་ཐུགས་རྗེ་མཛད་པ་ཡིས། །ཡོངས
222b6 ལ་ཕན་འདོགས་སྐྱོབ་པ་ནི། །འདི་ནི་བྱམས་པ་ཞེས་བྱ་འོ། །རྟོགས་གོམས་མཐར་ཕྱིན་ཁྱད་པར་གྱིས། །ལས་དང་ཉོན་མོངས་ལྟ་བའི་རིམ། །སེལ་བ་འདི་ནི་སྒྲིབ་སེལ་ལོ། །
222b7 ཐབས་དང་ཤེས་རབ་གནས་རྟོགས་ན། །གང་ཕྱིར་སྤོང་ལེན་མི་གནས་བས། །ཕྱི་ནང་སྣོད་བཅུད་མ་ལུས་པ། །དབྱེ་བ་མེད་པས་ཀུན་ཏུ་བཟང་། །བདག་དང་གཞན་དུ་འཛིན་པ་ཀུན།།
iiif viewer powered by OpenSeadragon
