| e-texts navigator |
| Wylie |
219b1 གནས|་|གཙང་མ་རིགས་དག་རྣམ་སྤངས་པ། །འཇིག་རྟེན་ལས་ཀྱིས་མཐར་གྱུར་པ། །འོག་མིན་འབར་བའི་གཞལ་ཡས་ཁང་། །ཕྱོགས་བཅུར་རྒྱ་ཡོངས་མ་ཆད
219b2 པའི|་|ཡོན་ཏན་ཁྱད་པར་སྤགས་པ་ན། །གསང་བ་ཡུམ་གྱི་བྷ་ག་ལ། །བཅུ་གསུམ་ས་ཡི་དབང་ཕྱུག་ལྡན། །རྡོ་རྗེ་འཆང་ཆེན་དཔག་མེད་དང་། །ཏིལ་འབྲུའི་ཚུལ
219b3 དུ་རབ་ཏུ་བཞུགས། །ཆོས་རྣམས་ཀུན་གྱི་དེ་བཞིན་ཉིད། །ཐོག་མ་ཐ་མ་དབུས་མེད་པའི། །རང་བཞིན་དོན་གྱི་འོག་མིན་ནི། །རྒྱལ་བ་ཀུན་གྱི་ཕོ་བྲང་ཕྱིར། །འདས
219b4 དང་ད་ལྟར་མ་བྱོན་པའི། །རྒྱལ་བ་ཀུན་གྱི་རྟེན་པའི་གནས། །དེ་དག་ཉེ་བར་མཚན་པ་ཡི། །ཡིད་དང་མཚན་མ་ལས་གྱུར་པའི། །བསྒོམས་དང་བྲིས་དང་བྱས་ལ
219b5 སོགས|་|དེ་དང་འདྲ་བའི་གཞལ་ཡས་ཁང་། །རྒྱལ་བ་སྔགས་དང་བྱིན་རླབས་ཀྱིས། །དེར་གནས་དོན་ཕྱིར་མཚོན་པའི་གནས། །ཐུན་མོང་ཐུན་མོང་མ་ཡིན་པའི།།
219b6 བསོད་ནམས་ཡེ་ཤེས་ཁྱད་པར་ཅན། །བསགས་པ་སྣ་ཚོགས་ལས་བྱུང་བའི། །རྫོགས་ལོངས་སྤྱོད་པ་ཆེན་པོ་ནི། །གཙང་མ་རིགས་དག་སྤངས་པ་ཡི། །འོག
219b7 མིན་ཆེན་པོའི་གནས་མཆོག་ན། །རིགས་བདག་ཕྱག་རྒྱ་ལྷུན་གྲུབ་སྐུ། །གཅིག་དང་མ་རྣམ་སྤངས་པ། །སངས་རྒྱས་ཀུན་གྱི་སྤྱི་གཟུགས་ཏེ། །གདོད་ནས་ཐེག
iiif viewer powered by OpenSeadragon
