| e-texts navigator |
| Wylie |
217a1 ཐོག་མ་བར་དང་མཐར་དགེ་བ། །ཐབས་དང་ཤེས་རབ་དབྱེར་མེད་པའི། །ཆོ་ག་རྒྱས་པར་དྲིས་པའི་མཆོག་།ཉོན་ཅིག་དེ་ནི་སེམས་དཔའ
217a2 བཤད|་|ཆོས་རྣམས་མ་ལུས་གཉིས་མེད་པའི། །རང་རིག་བྱང་ཆུབ་སེམས་ཉིད་དེ། །ཐ་དད་མེད་པའི་རང་བཞིན་ཉིད། །རྡོ་རྗེ་ཞེས་ནི་བཤད་པ་ཡིན། །རང
217a3 བཞིན་མཐའ་ཐུག་མེད་པའི་ཆོས། །ཐབས་དང་ཤེས་རབ་འབྲེལ་པ་ཡིས། །ཐུགས་སུ་ཆུད་ཅིང་མངོན་རྟོགས་པ། །ཕྱི་ནང་གསང་བའི་སེམས་དཔར་བཤད།།
217a4 རང་བཞིན་ཐབས་དང་འབྲས་བུའི་དོན། །ནུས་པའི་རིམ་པ་སྩལ་སྣང་བ། །ཐབས་དང་ཤེས་རབ་འབྲེལ་པའི་དོན། །སྒྱུ་འཕྲུལ་ཞེས་ནི་བཞིར་བཤད་དོ། །
217a5 ཐ་དད་མི་ལས་ཐ་དད་པའི། །ངོ་བོ་ཐབས་དང་བསྟན་ཉིད་དང་། །བྱིན་རླབས་ཤུགས་ཀྱིས་འབྲེལ་པ་ནི། །དྲང་བའི་དོན་ཞེས་བཤད་པ་ཡིན། །མ་བརྗོད་གྲགས
217a6 པའི་བསྟན་པ་ཉིད། །སྒྲོ་སྐུར་མེད་དང་ཞལ་ནས་གསུངས། །དྲི་མ་མེད་པའི་ལུང་ཉིད་དེ། །ལས་དང་ཡེ་ཤེས་སྤྱི་ཉིད་དང་། །རྫོགས་པས་རྫོགས་ཕྱིར་ལུང་ཉིད
217a7 དེ|་|བསྟན་པ་སྤྱི་ཡི་བདག་ཉིད་ནི། །ཐམས་ཅད་ཀུན་གྱི་བདག་ཉིད་པས། །གཅིག་དང་དུམ་མི་གནས་ཀྱང་། །སོ་སོའི་བསྟན་པ་རྒྱ་མཚོའི་རྒྱུད། །འདི་སྟོན
iiif viewer powered by OpenSeadragon
