| e-texts navigator |
| Wylie |
216b1 བཅུད་མ་ལུས་པའི། །རྟེན་དང་རྟེན་པར་བཅས་པའི་ཆོས། །ཇི་ལྟར་གྲགས་དང་གྲགས་གྱུར་པའི། །ཐམས་ཅད་མ་ལུས་རྒྱུ་གཅིག་ཀྱང་། །རྐྱེན་སྟོབས་ནུས་པ་སོ་སོར
216b2 སྣང་|་|ཁྱད་པར་རིམ་པར་གང་གནས་པ། །རང་བཞིན་གདུལ་བྱ་བདེར་གཤེགས་དང་། །འཁྲུལ་པའི་དབང་གིས་སོ་སོར་སྣང་། །མ་བཅོས་དང་ལ་ཐ་དད་མེད། །རང་སྣང
216b3 ལས་ཀྱིས་ཐ་དད་པའི། །བྱེ་བྲག་རྣམ་པར་བསྟན་པ་ཀུན། །དེ་བཞིན་ཉིད་ལ་དགོད་བྱའི་ཕྱིར། །རྒྱལ་མཆོག་བདེ་ཆེན་ཡོངས་གང་བས། །དྲི་བའི་དོན་འདི་ལུང་བསྟན
216b4 ཅིང་|་|ཐབས་དང་ཤེས་རབ་འབྲེལ་གྱུར་པའི། །གསང་བའི་དོན་ལ་དགོད་དུ་གསོལ། །སྒྱུ་འཕྲུལ་དྲ་བ་རྡོ་རྗེ་སེམས་དཔའ་གསང་བ་མེ་ལོང་གི་རྒྱུད་ལས། དྲི་བ་རྩ
216b5 བའི་རྒྱུད་ཅེས་བྱ་བ་བཤད་པ་རྟོག་པའི་རྒྱལ་པོ་རྫོགས་སོ། ། །། དེ་ནས། གསང་བདག་ཕྱག་ན་རྡོ་རྗེ་འཆང་། །སྐྱེས་བུ་མཚན་དཔེ་རབ་ལྡན
216b6 ཅིང་|་|དཔག་མེད་རྒྱལ་བས་རབ་བསྐོར་ཞིང་། །རང་བྱུང་དག་པའི་གཞལ་ཡས་ན། །ཐབས་དང་ཤེས་རབ་འཁྲིལ་སྦྱོར་ཞིང་། །ཀུན་ཀྱང་དེ་དང་མཐུན་པ་སྟེ། །འཛུམ
216b7 ཞིང་སྟེག་པས་སོས་འདེབས་ཤིང་། །དགྱེས་པའི་ཚུལ་གྱིས་བཀའ་སྩལ་པ། །དཔག་མེད་རྒྱལ་བས་གསུངས་པ་དང་། །གསུང་དང་གསུང་འགྱུར་ཐུགས་ཀྱི་རྒྱུད། །
iiif viewer powered by OpenSeadragon
