| e-texts navigator |
| Wylie |
421b1 འདི་སྐད་དུ། ཐམས་ཅད་ཐམས་ཅད་ཇི་སྙེད་པ། །ཚིག་གི་ཐ་སྙད་ཙམ་དག་ལས། །འདི་ལ་བྱ་བ་ཅི་ཡང་མེད། །རང་བཞིན་དེ་ཉིད་ཡེ་སངས་རྒྱས། ། ཧོ་ཞེས་དེ་བཞིན་གཤེགས་པ་ཐམས
421b2 ཅད་ལས་འདས་ཏེ་བདེ་བ་ཆེན་པོ་ལྷུན་དང་བར་གྱུར་ཏོ། །དེ་ནས་གསང་བའི་བདག་པོ་ཉིད་ཀྱིས་ཚིགས་སུ་བཅད་དེ་སྨྲས་པ། དཔེར་ན་ཀུན་ཏུ་རྒྱུ་བའི་མི། །འདོད་པའི་ཡུལ་དུ་གང་འགྲོ་བ། །ཡུལ
421b3 གྱི་རྣམ་པ་མཐའ་ཡས་ཀྱང་། །བགྲོད་ཡུལ་ལམ་གནས་གཅིག་ལས་མེད། །དེ་བཞིན་བསམ་གྱིས་མི་ཁྱབ་པའི། །རྣམ་གྲངས་ཆོས་སྒོ་ཇི་སྙེད་ཀྱང་། །བཀྲིད་པས་དྲང་བའི་ཚིག་ཡིན་ཏེ། །བསམ
421b4 པའི་ཡུལ་ནི་གཅིག་པ་འོ། །དོན་རྣམས་གཅིག་ཏུ་བསྡུས་པ་ཡི། །བསླབ་པར་བྱ་བ་དམ་པ་སྟེ། །ངེས་པར་གཅིག་ལས་མེད་པའི་ཕྱིར། །ཀུན་འདུས་དམ་པའི་བསླབ་པར་གཅེས། །དམ་པ
421b5 འདིར་འདུས་ཀུན་ཤེས་ན། །དེ་ཡི་ཡེ་ཤེས་མཐའ་ཡས་ཏེ། །རྣམ་པ་ཐམས་ཅད་མཁྱེན་ཉིད་པས། །མདོ་དོན་གཅིག་ཏུ་བསྡུས་པར་གསུངས། །གྲོགས་པོ་དག་།དེ་དག་ནི་དེ་བཞིན
421b6 གཤེགས་པ་ཐམས་ཅད་དགོངས་པ་དེ་ཁོ་ན་ཉིད་གཅིག་ཏུ་འདུས་པར་དེ་བཞིན་གཤེགས་པ་ཐམས་ཅད་འདུས་ནས་བཤད་པ་སྟེ། ཐམས་ཅད་ཀྱི་མདོ་དེ་ཁོ་ན་ཉིད་དུ་འདུས་པར་ཤེས
421b7 པར་བྱའོ། །དེ་སྐད་ཅེས་སྨྲས་པས། དམན་པ་དམ་པ་རྣམས་གཅིག་ཏུ་ངེས་པ་དམ་པ་རྙེད་པར་གྱུར་ཏོ། །དེ་ནས་གསང་བ་པའི་བདག་པོ་ཉིད་ལ་དམན་པ་དམ་པ་རྣམས་ཡིད་རངས
iiif viewer powered by OpenSeadragon
