| e-texts navigator |
| Wylie |
418a1 @#། །རིག་པ་ཡིས། །དེ་བཞིན་ཉིད་དུ་རྣམ་པར་སྒྲོལ། །ཞེས་གསང་བ་དམ་པར་བསྔགས་སོ། །ལ་ལ་ནི་འདི་སྐད་དུ། ཇི་སྙེད་བསམ་གྱིས་མི་ཁྱབ
418a2 པའི། །ཆོས་ཀུན་སྟོང་པར་རིག་ངེས་ན། །སངས་རྒྱས་ཀུན་དང་མཉམ་སྦྱོར་བ། །རྣལ་འབྱོར་ཆེན་པོའི་བསམ་གཏན་ཡིན། །ཞེས་རྣལ་འབྱོར་དམ་པར་གདམས་སོ། །ལ་ལ
418a3 ནི་འདི་སྐད་དུ། འཁོར་བ་ཇི་སྲིད་ཡོད་པར་དུ། །བསྟན་པའི་སྙིང་པོ་ཉི་མ་ཤར། །རང་བཞིན་ཆོས་ཉིད་འཁོར་ལོ་འདི། །མི་ནུབ་རྒྱུན་མི་འཆད་པར་བསྐོར། །ཞེས་གསང་བ
418a4 དམ་པའི་ཐེག་པར་བསྔགས་སོ། །ལ་ལ་ནི་འདི་སྐད་དུ། མི་འགྱུར་མི་འཇིགས་རྡོ་རྗེ་དོན། །སྣ་ཚོགས་ཀུན་འབྱུང་རིན་པོ་ཆེ། །མ་ཆགས་རྣམ་དག་པདྨོ་ཉིད། །ཐམས་ཅད
418a5 ལྷུན་གྲུབ་མཛད་པ་ཆེ། །མ་ནོར་མ་བཅོས་དེ་བཞིན་ཉིད། །ཅེས་ཡང་ངེས་པ་དམ་པ་བསྟན་ནོ། །ལ་ལ་ནི་འདི་སྐད་དུ། སྟོང་ཉིད་གཟུགས་མེད་ཆོས་ཀྱི་སྐུ། །སྨོན་མེད་ཡིད
418a6 ལས་འདས་པའི་གསུང་། །མཚན་མེད་རྟོག་ལས་འདས་པའི་ཐུགས། །རྟོག་མེད་རེ་སྐོང་ཡོན་ཏན་མཛོད། །ཐབས་ཀྱིས་གར་ཐབས་ཕྲིན་ལས་མཛད། །ཅེས་ཆོ་འཕྲུལ་སྣ
418a7 ཚོགས་འབྱུང་བར་བསྔགས་སོ། །ལ་ལ་ནི་འདི་སྐད་དུ། མི་རྟོག་ཆོས་ཀྱི་མེ་ལོང་གསལ། །གཉིས་སུ་མེད་པས་ཐམས་ཅད་མཉམ། །སྣ་ཚོགས་མཚན་ཉིད་མ་འདྲེས
iiif viewer powered by OpenSeadragon
