| e-texts navigator |
| Wylie |
416a1 @#། །ཡང་བཅོམ་ལྡན་འདས་ཡིད་དང་། ངོ་བོ་ཉིད་དག་པས་འདི་སྐད་དུ། རང་འབྱུང་ཡེ་ཤེས་རྩ་བ་ནི། །བྱང་ཆུབ་སེམས་ཉིད་ཡིན་པས་ན། །དེ་ཡི་རྩ་བ
416a2 སྙིང་རྗེ་སྟེ། །ཕ་རོལ་ཕྱིན་པར་ཐབས་ཀྱིས་སོ། །ཞེས་གསང་བའི་ཚིག་ཏུའོ། །ཡང་བཅོམ་ལྡན་འདས་སེང་གེ་འབུམ་གཟུགས་ངོ་བོ་ཉིད་དག་པས་འདི་སྐད་དུ། །ཇི་སྙེད་ཇི
416a3 བཞིན་ཉིད་ཀྱི་དོན། །ཡི་གེ་མིང་ཚོགས་སྒྲ་མཚོན་པ། །མིང་ཚོགས་སྒྲ་ལ་མ་བརྟེན་པར། །ཉམ་དྲོད་བློ་ཡིས་རིག་པ་མེད། །ཅེས་གསང་བའི་ཚིག་ཏུའོ། །ཡང་བཅོམ་ལྡན
416a4 འདས་ཐུབ་པའི་དབང་པོ་ངོ་བོ་ཉིད་དག་པས་འདི་སྐད་དུ། ཆོས་ཀུན་ཆོས་ཀྱི་རང་བཞིན་ནི། །དེ་བཞིན་ཉིད་ལས་མི་གཞན་པས། །དེ་ཉིད་བྱང་ཆུབ་ལམ་ཉིད་དེས། །ལམ་དེ
416a5 ལྟུག་པོ་བཀོད་པའི་གནས། །ཞེས་གསང་བའི་ཚིག་ཏུའོ། །ཀྱེ་གྲོགས་པོ་དག་།གཞན་ཡང་། དེ་དག་ལ་སོགས་པ། རྡོ་རྗེ་སེམས་དཔའི་སྤྲུལ་པའི་སྒྲོན་མ་བྱེ་བ་ས་ཡ་རྙེད་ངོ
416a6 བོ་ཉིད་དག་པ་དང་། ཆོས་ཀྱི་ཕོ་བྲང་ན་བཞུགས་པ་མཐའ་ཐུག་པ་མེད་པའི་ངོ་བོ་ཉིད་དག་པས་གསང་བའི་ཚིག་།འདི་སྐད་དུ། ལ་ལ་ནི་འདི་ལྟར། རྟོག་མེད་རང་རིག
416a7 སྐད་ཅིག་མ། །སེམས་ཅན་སངས་རྒྱས་གཉིས་ཀྱི་དབྱིངས། །རིག་དང་མ་རིག་གཉིས་ཁོ་ན། །དག་དང་མ་དག་གཉིས་སུ་སྣང་། ཞེས་གསང་བ་དམ་པར་བསྔགས་སོ། །
iiif viewer powered by OpenSeadragon
