| e-texts navigator |
| Wylie |
412b1 མྱ་ངན་འདས། །སོ་སོར་སྣང་བ་མ་ཡིན་ཏེ། །ཇི་བཞིན་དེ་བཞིན་ཉིད་དེས་ན། །དེ་ལ་འཁོར་བའི་རང་བཞིན་མེད། །ཅེས་གསུངས་སོ། །ཡང་བཅོམ་ལྡན་འདས་ཞི་བའི་དབང་པོ་ངོ
412b2 བོ་ཉིད་དག་པས་འདི་སྐད་དུ། དེ་བཞིན་ཉིད་ཀྱི་དེ་ཉིད་ནི། །དཔག་ཅིང་གཞལ་བར་མཐའ་ཡས་པས། །དཔག་མེད་རྒྱལ་པོའི་ཕོ་བྲང་ཡིན། །དེ་ནས་ཀུན་བཀོད་དེར་གཅིག་གནས། །
412b3 ཞེས་གསུངས་སོ། །ཡང་བཅོམ་ལྡན་འདས་སྤྲིན་གྱི་དཔལ་ངོ་བོ་ཉིད་དག་པས་འདི་སྐད་དུ། །ཐམས་ཅད་འབྱུང་བའི་ཆོ་འཕྲུལ་ཡང་། །ཅིར་ཡང་འགྱུར་བའི་ཡེ་ཤེས་ཏེ། །གདོས་པར
412b4 གྱུར་བའི་ཆོས་མེད་པས། །ཇི་ལྟར་དམིགས་པ་བཞིན་དུ་འབྱུང་། །ཞེས་གསུངས་སོ། །ཡང་བཅོམ་ལྡན་འདས་ཡིད་འོང་དབྱངས་ངོ་བོ་ཉིད་དག་པས་འདི་སྐད་དུ། འཇིག་རྟེན་འཁོར
412b5 བའི་ཁ་བརྒྱུད་པས། །མ་རིག་ངོ་བོ་དེ་བཞིན་པ། །གཞི་རྩ་མེད་པའི་སྐད་ཅིག་མ། །དེ་ཉིད་རིག་ན་བདེ་ཆེན་གནས། །ཞེས་གསུངས་སོ། །ཡང་བཅོམ་ལྡན་འདས་མེ་ལོང་འོད་སྣང
412b6 ངོ་བོ་ཉིད་དག་པས་འདི་སྐད་དུ། ཉོན་མོངས་ཡེ་ཤེས་ལར་རྟོགས་པ། །ཇི་བཞིན་དེ་ལ་གཉིས་ཀ་སྒྲིབ། །རྟོག་དང་མི་རྟོག་གཉིས་མེད་དེ། །རྟོག་པ་དེ་ཉིད་ཡང་དག་ལམ། །
412b7 ཞེས་གསུངས་སོ། །ཡང་བཅོམ་ལྡན་འདས་ཟླ་འོད་དཔལ་ངོ་བོ་ཉིད་དག་པས་འདི་སྐད་དུ། ཐེག་པ་དཔག་མེད་བསྟན་པ་ཡང་། །ཇི་ལྟར་མོས་པ་ཐ་དད་པ། །ཁྲིད་པ་བྱ་བའི་ཐབས
iiif viewer powered by OpenSeadragon
