| e-texts navigator |
| Wylie |
412a1 @#། །ཤེས་རིག་པའི་ཁྱད་པར་ལས། །སྐད་ཅིག་བསྐལ་པ་དེ་སྐད་ཅིག་།ཅེས་གསུངས་སོ། །གཞན་ཡང་། བཅོམ་ལྡན་འདས་སྙིང་རྗེའི་རྒྱལ་པོ
412a2 ངོ་བོ་ཉིད་དག་པས་འདི་སྐད་དུ། འཁོར་བ་མྱ་ངན་འདས་རྟོག་པ། །དེ་བཞིན་ཉིད་ཀྱི་དབྱིངས་ཉིད་དུ། །ཡེ་ནས་མྱ་ངན་འདས་པས་ན། །རང་བཞིན་ལྷུན་གྲུབ་ཚོགས་གཉིས
412a3 རྫོགས། །ཞེས་གསུངས་སོ། །ཡང་བཅོམ་ལྡན་འདས་ངོ་བོ་ཉིད་དག་པས་འདི་སྐད་དུ། ཆོས་སོ་ཅོག་གི་རང་བཞིན་ནི། །མ་སྐྱེས་པ་ལས་ཐམས་ཅད་སྐྱེ། །སྐྱེས་པ་ཉིད་ན
412a4 སྐྱེ་བ་མེད། །རིགས་མཆོག་རྡོ་རྗེ་སྐྱེ་གནས་དམ། །ཞེས་གསུངས་སོ། །ཡང་བཅོམ་ལྡན་འདས་ཡོངས་སུ་དགོངས་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། དེ
412a5 བཞིན་ཉིད་དུ་ཀུན་རིག་ན། །དེས་ཁྱབ་གར་གནས་སངས་རྒྱས་ཞིང་། །ཡོན་ཏན་རིན་ཆེན་སྤྲིན་བཀོད་པ། །དགོད་པར་བྱ་བ་ཅི་ཡང་མེད། ཞེས་གསུངས་སོ། །
412a6 ཡང་བཅོམ་ལྡན་འདས་གསེར་གྱི་འོད་ཟེར་ངོ་བོ་ཉིད་དག་པས་འདི་སྐད་དུ། དཔག་ཏུ་མེད་པའི་རྒྱལ་བ་རྣམས། །ཇི་བཞིན་དེ་བཞིན་ཉིད་ལ་བཞུགས། །དེ་བཞིན་ཉིད
412a7 དང་ཐམས་ཅད་ཀྱང་། །གཉིས་མེད་དེ་བཞིན་དེ་ཉིད་དོ། །ཞེས་གསུངས་སོ། །ཡང་བཅོམ་ལྡན་འདས་འོད་ཀྱི་དཔལ་ངོ་བོ་ཉིད་དག་པས་འདི་སྐད་དུ། འཁོར་བ་དང་ནི
iiif viewer powered by OpenSeadragon
