| e-texts navigator |
| Wylie |
411a1 @#། །པས། །ཁྱད་པར་བྱེ་བྲག་དབྱེར་མེད་པའི། །རྡོ་རྗེ་ནམ་མཁའ་འོད་གསལ་བས། །རྨོངས་པའི་མུན་ནག་རྣམ་དག་གསལ། །བཅོམ་ལྡན་འདས་སྣང་མཛད
411a2 ངོ་བོ་ཉིད་དག་པས་འདི་སྐད་ཅེས་གསུངས་སོ། །ཡང་འདི་ལྟ་སྟེ། རྣམ་དག་ཐུག་མཐའ་མུ་མེད་པས། །ཡངས་དོག་ཚིག་གི་མཐའ་དང་བྲལ། །ཀུན་བཟང་ཡངས་པའི་ལམ་དུ
411a3 གཅིག་། བདེ་ཆེན་ཀློང་ཡང་རྡོ་རྗེ་དམ། །བཅོམ་ལྡན་འདས་ཐམས་ཅད་གྲུབ་པས་དེ་སྐད་ཅེས་གསུངས་སོ། །ཡང་འདི་ལྟ་སྟེ། དེ་བཞིན་ཉིད་ལས་མེད་པས་ན། །ཡིན་དང་མ
411a4 ཡིན་གཉིས་ལས་འདས། །བདག་མེད་རྡོ་རྗེ་དེ་བཞིན་ཉིད། །ང་མེད་མི་འགྱུར་རྡོ་རྗེ་དམ། །བཅོམ་ལྡན་འདས་ཡོན་ཏན་ཀུན་གྱི་འབྱུང་གནས་ངོ་བོ་ཉིད་དག་པས་དེ་སྐད་ཅེས
411a5 གསུངས་སོ། །གྲོགས་པོ་དག་།གཞན་ཡང་། འདི་ལྟ་སྟེ། ཡོད་མཐོང་སྣང་གྲགས་ཆོས་སོ་ཅོག་།ཐ་དད་སྣ་ཚོགས་མཐའ་ཡས་ཀྱང་། །རང་བཞིན་མ་བཅོས་དེ་བཞིན་ཉིད། །
411a6 མ་བསྒྲིབས་འོད་གསལ་རྣམ་དག་ཞིང་། །བཅོམ་ལྡན་འདས་དྲི་མེད་སྒྲ་ངོ་བོ་ཉིད་དག་པས་དེ་སྐད་ཅེས་གསུངས་སོ། །དེ་བཞིན་དུ། འདི་ལྟ་སྟེ། ཀུན་ཏུ་བཟང་པོའི་ཡེ་ཤེས
411a7 འདི། །སུས་ཀྱང་མ་བྱས་རང་འབྱུང་སྟེ། །ཐམས་ཅད་འབྱུང་བའི་རྩ་བས་ན། །རང་ལས་བྱུང་བའི་དཀྱིལ་འཁོར་རྫོགས། །བཅོམ་ལྡན་འདས་དཀོན་མཆོག་སྤྲིན་ངོ་བོ་ཉིད
iiif viewer powered by OpenSeadragon
