| e-texts navigator |
| Wylie |
410b1 ཡོད་མ་ཡིན། །དེ་ལས་གང་ཡང་འདའ་མི་འགྱུར། ། བཅོམ་ལྡན་འདས་རྫོགས་ལོངས་སྤྱོད་པ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྟ་སྟེ།
410b2 དམ་པ་རྣམས་ཀྱིས་གསུངས་པའི་ཚིག་།རྡོ་རྗེ་གོ་ཆ་དམ་བཅས་པ། ཤིན་དུ་དམ་པའི་ཐ་ཚིག་འདི། །གལ་ཏེ་འདས་ན་ཚིག་པར་གྱུར། །བཅོམ་ལྡན་འདས་གསང་བའི་སྐུ་ངོ་བོ
410b3 ཉིད་དག་པས་དེ་སྐད་ཅེས་གསུངས་སོ། །ཡང་གྲོགས་པོ་དག་འདི་ལྟ་སྟེ། རྒྱལ་བ་རྣམས་ཀྱི་དམ་པ་འདི། །གསུངས་པས་དམ་ཚིག་མཐའ་ཡས་ཀུན། ཐམས་ཅད་ཐམས་ཅད
410b4 བསྲུངས་པ་སྟེ། །བསྲུང་བ་འདི་ནི་རྙེད་པར་དཀའོ། །བཅོམ་ལྡན་འདས་རྒྱུན་གྱི་འབྱུང་བ་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཀྱེ་གྲོགས་པོ་དག་འདི་ལྟ་སྟེ། །ཞེ་སྡང་ངོ
410b5 བོ་ཐ་དད་པ། །བྱང་ཆུབ་སེམས་སུ་མཉམ་པས་ན། །དེ་བཞིན་ཉིད་ལས་གཞན་པ་ཡིན། །མ་སྤངས་མ་དག་རྡོ་རྗེ་དམ། །བཅོམ་ལྡན་འདས་རྡོ་རྗེ་སེམས་དཔའ་ངོ་བོ་ཉིད་དག
410b6 པས་དེ་སྐད་ཅེས་གསུངས་སོ། །གྲོགས་པོ་དག་འདི་ལྟ་སྟེ། འདོད་དང་ཆགས་པའི་ཡུལ་ཉིད་ནི། །རང་བཞིན་གང་ཡིན་དེ་བཞིན་ཉིད། །ལོངས་སྤྱོད་མྱོང་ཚོར་རྣམ་པར
410b7 དག་། སྤྱོད་ལ་མ་ཆགས་རྡོ་རྗེ་དམ། །བཅོམ་ལྡན་འདས་འོད་མཐའ་ཡས་ངོ་བོ་ཉིད་དག་པས་དེ་སྐད་ཅེས་གསུངས་སོ། །ཡང་འདི་ལྟ་སྟེ། །ཐམས་ཅད་དེ་བཞིན་དེར་མཚུངས
iiif viewer powered by OpenSeadragon
