| e-texts navigator |
| Wylie |
410a1 བ་ཞེས་བྱ་བའི་ལེའུ་སྟེ་བདུན་བཅུ་བཞི་པའོ། ། །།དེ་ནས་ཡང་གསང་བ་བའི་བདག་པོ་ངེས་ལང་ཀའི་བདག་པོ་ལ་སོགས་པ་དམན་པའི
410a2 ལུས་ཀྱི་སེམས་དཔའ་རྣམས་ལ་ཤིན་དུ་རྔོམ་བརྗིད་ཚུལ་དུ་བོས་ཏེ་སྨྲས་པ། ཀྱེ་གྲོགས་པོ་དག་མདོ་གཅིག་ཏུ་བསྡུས་པ་ནི་གང་ཞེ་ན། འདི་ལྟ་སྟེ། འདི་སྐད་བདག་གིས
410a3 ཐོས་པ་དུས་གཅིག་ན། །དེ་བཞིན་གཤེགས་པ་ཐམས་ཅད་ཀྱི་བཅོམ་ལྡན་འདས་ངོ་བོ་ཉིད་དག་པར་དེ་བཞིན་གཤེགས་པ་ཐམས་ཅད་གྱུར་པར་འདུས་ནས། །དེ་བཞིན
410a4 གཤེགས་པ་ཐམས་ཅད་ཀྱིས་དགོངས་པ་གཅིག་ཏུ་འདུས་པར་བཤད་པ། ཆོས་ཉིད་རྣམ་པར་དག་པས་ན། །ཆོས་ཀུན་རང་བཞིན་རྣམ་པར་དག་།དེ་བཞིན་གཤེགས
410a5 པ་ཐམས་ཅད་ཀྱི། །ཐུགས་དམ་དབྱིག་མཆོག་རབ་ཉིད་དོ་ཞེས་བཅོམ་ལྡན་འདས་ངོ་བོ་ཉིད་དག་པ་ལས་དེ་སྐད་ཅེས་འབྱུང་བའོ། །དེ་ལྟར་ན་ཡང་འདི་ལྟ་སྟེ། །མི་ཕྱེད་རྡོ་རྗེ
410a6 དམ་ཚིག་ནི། །རྡོ་རྗེ་དེ་བཞིན་ཉིད་ལས་བྱུང་། །ཆོས་ཉིད་རྡོ་རྗེ་དམ་ཚིག་ནི། །གྲུབ་ན་འཇིག་པའི་དུས་མེད་དོ། །གྲོགས་པོ་དག་བཅོམ་ལྡན་འདས་རྣམ་པར་དག་པའི
410a7 ངོ་བོ་ཉིད་ལས་དེ་སྐད་ཅེས་གསུངས་སོ། །གྲོགས་པོ་དག་ཡང་འདི་ལྟ་སྟེ། །རྒྱལ་པ་ཀུན་གྱི་ཐུགས་དམ་ནི། །ཐམས་ཅད་དམ་པ་དེ་ཉིད་ལས། །མི་གཞན་གཞན་མེད
iiif viewer powered by OpenSeadragon
