| e-texts navigator |
| Wylie |
138a1 @#། །ལས། ལང་ཀའི་བདག་པོས་སྨྲས་པ། ཨེ་མའོ་གསང་བ་པའི་བདག་པོ། དེ་ནི་བདག་གིས་ཐོས་པ་དམ་པ་ཐོས་སོ། །ཐོས་པའི་མཆོག་ཐོས་སོ། །
138a2 གསང་བ་པའི་བདག་པོ། ཡོངས་སུ་རྨོངས་པ་གདུངས་པ་ནི་སངས་བ་ལྟ་ན། སྒྲོན་མ་ཡོངས་སུ་བཀོད་པ་ནའང་འབྱུང་ཞེས་པ་ཇི་ལྟ་བ་བཞིན་དུ་གྲགས་པ་ལགས། མི་མཇེད
138a3 ཀྱི་འཇིག་རྟེན་གྱི་ཁམས་འདིར་ད་ལྟར་ཡོངས་སུ་འདས་པ་འདི་སྒྲོན་མ་བཀོད་པ་ཞེས་བྱ་བར་འགྱུར་རམ། འདས་པ་འདིའང་མི་མཇེད་ཀྱི་འཇིག་རྟེན་གྱི་ཞིང་ཁམས་འདི
138a4 འབའ་ཞིག་གི་སྒྲོན་མ་སངས་རྒྱས་མྱ་ངན་ལས་འདས་སམ། འོན་ཏེ་འཇིག་རྟེན་གྱི་ཁམས་མཐའ་དག་ན་ཞིང་ཁམས་ཇི་སྙེད་པའི་སྒྲོན་མ་བཀོད་པའི་སངས་རྒྱས་མྱ་ངན
138a5 ལས་འདའ་བར་འགྱུར་ཞེས་དྲིས་པ་ལས། གསང་བ་པའི་བདག་པོས་སྨྲས་པ། ལང་ཀའི་བདག་པོ། དེ་ཇི་སྙམ་དུ་སེམས། འདིའང་སྒྲོན་མ་ཞེས་བྱ་སྟེ། ད་ལྟར་འདས
138a6 པ་ནི་ཞིང་ཁམས་མཐའ་དག་གི་སངས་རྒྱས་ལྟ་ཞོག་འཛམ་བུའི་གླིང་བྱེ་བ་ཕྲག་ས་ཡའི་སངས་རྒྱས་ལྟ་ཡང་ཞོག་། འཛམ་བུའི་གླིང་གཅིག་གི་སངས་རྒྱས་གཅིག་ཡོངས
138a7 སུ་མྱ་ངན་ལས་འདས་པར་ཟུངས་ཤིག་། དེ་ཅིའི་ཕྱིར་ཞེ་ན། ཞིང་ཁམས་འདི་ནི་སྤྲུལ་པའི་སངས་རྒྱས་ཉག་གཅིག་གི་ཞིང་ཁམས་ཡིན་པའི་ཕྱིར་རོ། །དེ་བཞིན
iiif viewer powered by OpenSeadragon
