| e-texts navigator |
| Wylie |
137b1 སངས་རྒྱས་ཀུན་གྱིས་བསྔགས་པ། ཐེག་པ་ཆེན་པོ་དེ་འདེགས་པའི་ཡུལ་ཚད་མ་ནུབ་པར་གྱུར་ཕན་ཆད་དུ་འབྱུང་བར་འགྱུར་ཞིག་གུ་ཞེས་དྲིས་པ་ལས། གསང་བ་པའི་བདག་པོས
137b2 སྨྲས་པ། ལང་ཀའི་བདག་པོ། ཅི་ག་འདི་ཇི་སྙམ་དུ་སེམས། ཁྱོད་མི་ཤེས་སམ། ཡུལ་ཚད་མ་ཉིད་ཀྱིས་བཀའ་སྩལ་གྱིས། །ཀུན་ཛར་ཆོས་ཀྱི་སྤུན་ལ་བཀའ་སྩལ་པ། འདི་ལྟ་སྟེ།
137b3 རིག་པ་འཛིན་པ་ཁྱོད་ཀྱི་དྲི་བ་འདི་ལྟ་སྟེ། དེ་ཁོ་ན་ཉིད་གསང་བ་དམ་པ་དེ་ནི་གནས་སྐབས་གཉིས་དང་། བཅུར་འབྱུང་བ་སྟེ། གང་རྨོངས་པ་གདུང་བ་སེལ་བ་ནའང་འབྱུང་། གང
137b4 འཇིག་རྟེན་གྱི་སྒྲོན་མ་ཡོངས་སུ་བཀོད་པ་ནའང་འབྱུང་། གང་གིས་ངེས་པ་རྙེད་པ་ནའང་འབྱུང་། སྙིང་པོ་བྱང་ཆུབ་ཉིད་དུ་ངེས་པ་ནའང་འབྱུང་། དགོངས་པ་ངེས་པར་འགྲེལ
137b5 བ་ནའང་འབྱུང་། གདུལ་བྱ་སྐབས་ལ་བབ་པའི་ཆེད་ནའང་འབྱུང་། བྱིན་གྱིས་བརླབས་ལས་སྣང་བ་ནའང་འབྱུང་། བརྒྱུད་པ་ཐབས་ཀྱིས་གྲགས་པ་ནའང་འབྱུང་། གང་གི་ཆེད
137b6 དུ་མཛད་པ་ནའང་འབྱུང་། ལུང་ཆེན་ངེས་པར་བསྟན་པའང་འབྱུང་། ལས་རྒྱུད་ཡོངས་སུ་གཅོད་པ་ནའང་འབྱུང་། དགོངས་པ་རྣམ་པར་བགྲོ་བ་ནའང་འབྱུང་སྟེ། དེ་དག་ནི་ཐམས
137b7 ཅད་དང་། ཐམས་ཅད་ནས་ཐམས་ཅད་དུ་ཡོངས་སུ་རྣམ་པར་སྣང་ངོ་། །སྣང་བར་གྱུར་ཏོ། །སྣང་བར་འགྱུར་རོ་ཞེས་ལུང་བསྟན་པ་གང་དུ་གྲོགས་པ་མི་ཤེས་སམ་ཞེས་སྨྲས་པ
iiif viewer powered by OpenSeadragon
