| e-texts navigator |
| Wylie |
137a1 @#། །རྨོངས་པ། མཁས་པ་ཤེད་བྱེ་བ་རྣམས་ནི་གང་དུའང་གདུང་བ་མེད་པ་གདུང་བ་དང་བྲལ་བ་ཡིན་ཞེས་ཐོས་པས་ལང་ཀའི་བདག་པོ་ལ་སོགས་པ་འགྲོ་བ
137a2 ལུས་ཀྱི་སེམས་དཔའ་རྣམས་ཡོངས་སུ་གདུང་བ་ལས་སངས་སོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས། །གང་རྨོངས་པ་གདུང་བ་སེལ་བ་ཞེས་བྱ
137a3 བའི་ལེའུ་སྟེ་དྲུག་པའོ། ། །།ཐེག་པ་ཆེན་པོ་ངེས་པར་འབྱུང་བའི་ཚུལ་ལས་གང་རྨོངས་པའི་གདུང་བ་སེལ་བའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ
137a4 ཤེས་རྣམ་པར་བགྲོས་པ་སྟེ་བྱུང་ཚུལ་བསྟན་པ་དང་པོའོ། ། །།དེ་ནས་ལང་ཀའི་བདག་པོས་སྔོན་དུ་གནང་བའི་ཚིག་བཅུ་གཉིས་པའི་གཉིས་པ་གང་དུ་སྒྲོན
137a5 མ་ཡོངས་སུ་བཀོད་པ་ནའང་འབྱུང་ཞེས་ལུང་བསྟན་པ་ཡོངས་སུ་དྲི་བའི་ཕྱིར་གསང་བ་པའི་བདག་པོ་ལ་གསོལ་པ། །གསང་བ་པའི་བདག་པོ། སྔོན་བདག་གིས་ཕྱིན
137a6 ཅི་མ་ལོག་པར་ཐོས་པ། །གང་རྨོངས་པ་རྣམས་ཀྱི་གདུང་བ་སེལ་ཅིང་སེམས་ཅན་རྣམས་ཀྱི་སེམས་ཀྱི་དཀྱིལ་འཁོར་གསལ་བར་བྱེད་པ། །བྱང་ཆུབ་སེམས་དཔའ
137a7 ཆེན་པོ་རྣམས་ཀྱི་བློ་གྲོས་དམ་པའི་མཛོད། །དེ་བཞིན་གཤེགས་པ་རྣམས་ཀྱི་དགོངས་པ། དེ་ཁོ་ན་ཉིད་གསང་བ་དམ་པ་ཕྱིན་ཅི་མ་ལོག་པ། ཡང་དག་པའི་ལྟ་བ།
iiif viewer powered by OpenSeadragon
