| e-texts navigator |
| Wylie |
136b1 དེ་ཉིད་དེ་ལ་ནུབ་པ་མེད། །འདས་ཀྱང་མ་བྲལ་ཐ་དད་མིན། །མ་འདས་པ་ནའང་གཅིག་མིན་ཏེ། །འདའ་དང་མི་འདའ་ལས་འདས་པས། །བྲལ་དང་མ་བྲལ་ག་ལ་ཡོད། །དེས་ན་གང
136b2 ལ་ཅི་ཕྱིར་གདུང་། །གདུང་བ་རྨོངས་པ་འཁྲུལ་པ་ཡིན། །ེ་མའོ་ངོ་མཚར་ཇི་ལྟ་བུ། །འདི་ཀོ་ཇི་ལྟར་འཁྲུལ་ཞིག་གུ། །ཞེས་གསང་བའི་བདག་པོ་དེས་སེངྒེ་རྣམ་པར་ལྟ་བའི
136b3 ཏ་ཤུལ་གྱིས་ག་ཞས་བཏབ་པས་རྨོངས་པས་གདུངས་པ་རྣམས་དགའ་མགུ་རངས་ནས་གདུང་པ་ཡོངས་སུ་སངས་ཏེ་སེམས་མ་བཅོས་པར་གནས་ཏེ་དེ་བཞིན་གྱི་དཀྱིལ་འཁོར་ཐམས
136b4 ཅད་འོད་གསལ་བར་གྱུར་ཏོ། །དེ་ནས་ལང་ཀའི་བདག་པོས་གསང་བ་པའི་བདག་པོ་ལ་གསོལ་པ། གསང་བ་པའི་བདག་པོ་ཆེན་པོ། གདུང་བ་ཐམས་ཅད་སེལ་ཏམ། འོན་ཏེ
136b5 མི་མཇེད་ཀྱི་འཇིག་རྟེན་གྱི་གདུང་བ་འབའ་ཞིག་སེལ། གསང་བ་པའི་བདག་པོས་སྨྲས་པ། །ལང་ཀའི་བདག་པོ། །ཁོ་བོ་ནི་གདུང་བ་ཐམས་ཅད་སེལ་བ་སྟེ། འདས་པའི་དུས
136b6 ཀྱི་གདུང་བ་ཇི་སྙེད་པའང་བསལ་ཏོ། །ད་ལྟ་མི་མཇེད་ཀྱི་འཇིག་རྟེན་གྱི་ཁམས་འདི་ཡི་གདུང་བའང་བསལ། །འཇིག་རྟེན་གྱི་ཁམས་གཞན་རྡུལ་སྙེད་ཀྱི་གདུང་བའང་བསལ།
136b7 མ་འོངས་པའི་གདུང་བ་ཇི་སྙེད་པའང་སེལ་བར་འགྱུར་རོ། །དེ་བས་ན་གང་དག་ཡོངས་སུ་གདུང་བ་རྣམས་ནི་མི་ཤེས་པ། རྨོངས་པ། །ཤེད་མ་ཕྱེ་བ་ཁོ་ན་ཡིན་གྱི། །ཤེས་པ། མ
iiif viewer powered by OpenSeadragon
