| e-texts navigator |
| Wylie |
132b1 རྣམས་བགྲོང་བྱས་ནས། །བཙལ་ཀྱང་གཞན་ནས་མི་རྙེད་དེ། །རང་གི་ས་ཁམས་ཉིད་ནས་འབྱུང་། །དེ་ནི་རིན་ཆེན་སྔར་རྙེད་པའི། །དམ་པ་རྣམས་ཀྱི་ཁྱིམ་ཡིན་ཏེ། །དེ་ནི་སྔར་རྙེད་གྱུར་པ
132b2 ཡི། །རྙེད་པ་རྣམས་ཀྱི་རྙེད་གནས་ཡིན། །དེ་སྐད་ཐོས་ནས་དེ་ཚེ་ངས། །གང་ཚེ་བཙལ་བའི་ཆེད་ཕྱིར་དུ། །དམ་པ་དེ་ལ་ལམ་ལྟོས་ཏེ། །བློ་གྲོས་དམ་པས་ངེས་བཅད་ནས། །ཐེག་ཆེན
132b3 ཅང་ཤེས་དེ་ཞོན་ཏེ། །མུན་སྣང་གཉིས་ཀྱི་ཁམས་ནས་འོངས། །གཅན་འཕྲང་ཆུ་བོ་བཞི་རྒལ་ཏེ། །སྣ་ཚོགས་ལམ་བགྲོད་ཀུན་བཙལ་ནས། །དམ་པ་རྣམས་ཀྱི་ལམ་དུ་ཞུགས། །
132b4 ས་དང་རྣམ་ཐར་ལམ་བགྲོད་དེ། །མྱ་ངན་འདས་པའི་གྲོང་ཁྱེར་བསྙགས། །ནོར་བུ་རིན་ཆེན་རྩད་བཅད་ན། །མ་བྱུང་མ་རྙེད་རང་ཉིད་ཀྱི། །ཆོས་ཉིད་དབྱིངས་ཀྱི་ཁྱིམ་ནས་རྙེད། །
132b5 རྙེད་པ་ཉིད་ན་རྙེད་མེད་དེ། །སྟོར་པ་ཉིད་ནའང་སྟོར་བྲལ་མེད། །ཡོད་མིན་མེད་མིན་སྟོར་རྙེད་མེད། །གཞན་ནས་མ་བྱུང་རང་འབྱུང་བར། །ཤེས་ལ་རྙེད་བཏགས་མ་ཤེས་ལ། །
132b6 སྟོར་ཞེས་ཐ་སྙད་བཏགས་པར་ཟད། །ཡོད་དང་སྟོར་དང་རྙེད་པའི་དུས། །ཐོག་མ་མེད་པའི་དུས་ནས་སོ། །དེ་ལྟར་ཆོས་ཉིད་མེད་པ་ལ། །སྤྲུལ་པ་སྣང་བའི་དུས་འདིར་ནི། །མུན
132b7 སྣང་གཉིས་ཀྱི་ཁམས་འདིར་འོངས། །ང་ནི་ཐབས་ཀྱི་མཉན་པ་མཁན། །འཁོར་བའི་ཆུ་བོ་མཐའ་མེད་ལས། །སྲིད་གསུམ་བསྒྲལ་བར་དམ་བཅས་ཀྱིས། །ཐར་པར་འདོད་པ
iiif viewer powered by OpenSeadragon
