| e-texts navigator |
| Wylie |
129b1 མཚོ་གླིང་རིམ་ལ་ཡ་གནམ་ལྕགས་ཡོད་པའི་རྩེ་ལ་རྫུ་འཕྲུལ་གྱི་བྱ་བས་མངོན་པར་རབ་ཏུ་འདུས་སོ། །ཡོངས་སུ་འདུས་ནས་འདུས་པ་དེ་ཀུན་ཀྱང་མགྲིན་གཅིག་ཏུ་ཤིན་ཏུ་ཉམ་ཐག་པའི
129b2 ང་རོས་སྨྲེ་སྔགས་ཀྱི་གདུང་བ་བཏོན་པ་ནི། འདི་ལྟ་སྟེ། ཨེ་མའོ་ཀྱི་ཧུད་ཨེ་མའོ་བློང་། །སྟོན་པའི་སྒྲོན་མའི་འོང་ནུབ་ན། །འཇིག་རྟེན་མུན་པ་གང་གིས་སེལ། །ཚད་མའི་ཞལ་དེ་མི་བཞུགས
129b3 པས། །ཚད་མས་གསུངས་པའི་བསྟན་པ་ལ། །འཇུག་པར་འཚལ་བའི་འགྲོ་བ་རྣམས། །ལོག་པར་འཇུག་པར་མི་འགྱུར་རམ། །ཚད་མར་དམ་བཅས་གང་ཟག་གིས། །ངེས་མ་རྙེད་པའི
129b4 གང་ཟག་ལ། །ཕན་པར་བྱ་ཕྱིར་བཀའ་བཀྲོལ་བས། །གཏན་ལ་ཕེབས་པར་འགྱུར་ཞིག་གུ། །ལེགས་ཉེས་འབྱེད་པའི་སྤྱན་ཟུམ་པས། །བཀའ་ཉིད་ཁྱད་དུ་གསོད་པ་ཡི། །སྐྱོན་གྱི
129b5 སྤྱི་གཙུག་མཐར་ཕྱིན་པས། །ལོག་སྟོབས་འཕེལ་བར་མི་འགྱུར་རམ། །ལོག་པའི་བསྟན་པའི་སྤྲིན་འཁྲིགས་པས། །བདེན་པ་གཉིས་ཀྱི་ཉི་ཟླ་ནུབ། །འགྲོ་བ་གང་ཞིག་ལམ་ཚོལ
129b6 བ། །མུན་པར་འཁྱམས་པར་མི་འགྱུར་རམ། །སྟོན་པ་མྱ་ངན་འདས་འོག་ཏུ། །བདུད་དང་སྲིན་པོ་མུ་སྟེགས་དང་། །གནོད་སྦྱིན་འབྱུང་པོ་མི་མ་ཡིན། །མ་རུངས་གདུག་པ་སུས
129b7 འདུལ་འགྱུར། །དྲི་མེད་བསྟན་པའི་བདུད་རྩི་འདི། །ནུབ་ན་ཤིན་ཏུ་མ་རུང་ན། །རྩལ་དང་ལྡན་པ་སུ་ཞིག་གིས། །འབར་ཞིང་སྣང་བར་བྱེད་པར་འགྱུར། །བསླབ་པ་དམ་པའི་རིན་པོ
iiif viewer powered by OpenSeadragon
