| e-texts navigator |
| Wylie |
129a1 @#། །འདས་པར་གྱུར་ཏོ། །སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས། གདམས་ངག་ངེས་པར་གཞག་པའི་ལེའུ་སྟེ་གཉིས་པའོ།། །།
129a2 དེའི་ཚེ་དེའི་དུས་ན་གང་དག་མི་ཆེན་པོ་རྣམས་ནི་ཡོངས་སུ་གདུང་བ་མེད་པར་ནང་དུ་ཡང་དག་འཇོག་གོ་།བྱིས་པ་རྣམས་ནི་ཡོངས་སུ་གདུང་བར་གྱུར་ཏེ་བློ་ཡ་ཡ་བོར་གྱུར་ཅིང་ཤིན
129a3 ཏུ་བློང་ནས་རྟག་པར་རབ་ཏུ་དུའོ། །འཇིག་རྟེན་པ་ལ་ལ་ནི་ཤ་ལི་ཐུག་པར་གྱུར། ལ་ལ་ནི་བརྒྱལ་ཅིང་འབོག་པར་གྱུར། ལ་ལ་ནི་ཁམས་ནས་རོ་བམ་པ་བཞིན་དུ་གྱུར་ཏོ། །དེ
129a4 བཞིན་དུ་ཐམས་ཅད་ཀུ་ཅོ་མང་པོ་ལ་ཤིང་བཞིན་དུ་ཀྱི་ཧུད་ཀྱི་ཧུད་ཞེས་གདུང་བའི་སྒྲ་སྒྲོགས་སོ། །ལྷ་དང་བཅས་པའི་འཇིག་རྟེན་ཡང་སྣོད་ནི་ཡིད་དུ་མི་འོང་བར་གྱུར་ཏོ། །བཅུད
129a5 ཀྱང་སེམས་ཀྱི་དཀྱིལ་འཁོར་མོག་མོག་པར་གྱུར་རོ། །ཆོས་འདི་བར་ཕྱོགས་པ་རྣམས་ནི་མདངས་ནག་པོར་གྱུར་ཏོ། །བདུད་ཀྱི་ཆ་འཛིན་ཅིང་སྡེ་པ་རྣམས་ནི་བཞིན་གྱི་དཀྱིལ
129a6 འཁོར་དཀར་པོར་གྱུར་ཏེ་ཀུན་ཀྱང་ཀྱལ་ཀའི་ཚིག་སྒྲོགས་པར་གྱུར་ཏོ། །དེ་ནས་ལོ་བརྒྱད་དང་བཅུ་གཉིས་འདས་པ་ན་དམ་པའི་རིགས་ཅན་སེམས་དཔའ་ཆེན་པོ་དག་ནང་དུ
129a7 ཡང་དག་འཇོག་ལས་ལངས་པ་དང་། འཇིག་རྟེན་གྱི་སྟོན་པ་ནུབ་པར་གྱུར་པས་རྨག་ཆད་པར་དུས་ནས་ཀུན་ཀྱང་རང་རང་གི་མངོན་པར་ཤེས་ལང་ཀའི་ཡུལ་གྱི་གྲོང་རྡལ་གྱི
iiif viewer powered by OpenSeadragon
