| e-texts navigator |
| Wylie |
128b1 བྱའོ། །ཚིག་མི་འགྱུར་བར་བྱའོ། །ཇི་སྐད་སྨྲས་པ་བཞིན་དུ་བྱའོ། །སྒོ་གསུམ་ལ་མཁས་པར་བྱའོ། །སྔགས་གསུམ་ལ་བསླབ་པར་བྱའོ། །གྲོང་ཁྱེར་གསུམ་གཤིག་པར་བྱའོ་ཞེས
128b2 བཀའ་སྩལ་པས། དྲི་བ་གཉིས་པའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་གསུམ་པ་བཀའ་སྩལ་པ། རིག་པ་འཛིན་པ། འདི་ལྟ་སྟེ། ང་ཡིས་སྒྲོན་མ་གང་བཞག་པ།
128b3 སྣོད་གསུམ་དག་ཏུ་སྣང་བ་སྟེ། །ཞི་གནས་ལྷག་མཐོང་ལས་མཐའ་གསུམ། །དང་པོར་ཤེས་པའི་རྒྱུད་གསུམ་ལ། །དེ་ནས་ཡི་གེའི་ཚོགས་ཉིད་ལའོ། །ཆེ་ཆུང་རིམ་པའི་བློ་ཡོད
128b4 ཕྱིར། །ཐེག་པའི་རིམ་པ་དེ་བཞིན་ཏེ། །བསྡུ་བའང་ཆེ་ཆུང་གཉིས་ཀྱིས་སོ། །རྣམ་པ་གཉིས་ཀྱི་ཁྱད་པར་ལས། །འཇུག་པའི་ཡུལ་ཡང་དེ་ཁོ་ནའོ། །གང་ལ་མོས་པ་དེ་ཉིད་དུའོ། །
128b5 ཞེས་བཀའ་སྩལ་པས་དྲི་བ་གསུམ་པའི་ཡོངས་སུ་རྟོག་པ་ཆད་དོ། །དེ་ནས་ཡང་སྟོན་པས་དྲི་བ་བཞི་པ་དང་ལྔ་པའི་ཚིག་ལེའུ་གཅིག་པ་བཀའ་སྩལ་པ། གཞན་ཡང་དྲི་བ་ཐ་མ་གཉིས། །
128b6 གཅིག་གིས་ཡོངས་སུ་ཆོད་པར་བྱས། །ཆོས་ཀྱི་སྤུན་དུ་བྱས་པ་ཡི། །རིག་པ་འཛིན་པ་ཁྱོད་ཉོན་ཅིག་།སྒྲོན་མ་བྱེད་པའི་བྱ་བ་ཡང་། །སྔོན་དུ་འབྱུང་བའི་ལུང་བསྟན་པའི། །འགྲོ་བའི
128b7 ལུས་ཀྱི་སེམས་དཔའ་དག་། བྱུང་ནས་གསལ་བྱེད་ལོག་སུན་འབྱིན། །དེ་སྐད་ཅེས་བཀའ་སྩལ་པས་དྲི་བ་བཞི་བ་དང་། ལྔ་པའི་ཡོངས་སུ་རྟོག་པ་ཆད་དེ་ཡོངས་སུ་མྱ་ངན་ལས
iiif viewer powered by OpenSeadragon
