| e-texts navigator |
| Wylie |
127b1 གྱུར་པའི་རིག་འཛིན་གྱི་རྒྱལ་པོ་ཀུན་ཛ་ར་ཞེས་བྱ་བ་དེ་རང་གི་སྟན་ལས་ལངས་ཏེ་སེང་གེའི་ལྟ་སྟངས་ཀྱིས་སྟོན་པའི་ཞལ་དུ་བལྟས་ནས་འདི་སྐད་ཅེས་གསོལ་ཏོ། །ཁྱོད་ནི་ནམ་མཁའི
127b2 རང་བཞིན་ཏེ། །འདས་དང་མི་འདའ་ཡོང་མི་མངའ། །འཇིག་རྟེན་པ་ལ་མཐུན་འཇུག་ཏུ། །འདའ་བས་ཡོངས་སུ་འདུལ་བར་དགོངས། །ཁྱོད་ནི་འཇིག་རྟེན་སྒྲོན་མར་ཤར། །ལྷ་མིའི
127b3 འཇིག་རྟེན་ཐམས་ཅད་ཀྱི། །མུན་པའི་དཀྱིལ་འཁོར་ཀུན་བསལ་ནས། །སེམས་ཀྱི་དཀྱིལ་འཁོར་གསལ་མཛད་དེ། །ས་དང་རྣམ་ཐར་ལ་སྤྱད་པས། །བྱང་ཆུབ་ཐོབ་པར་འགྱུར་བ་ཡི། །
127b4 འདྲེན་པའི་ཐེག་པ་རྣམ་གསུམ་ལ། །གང་དག་རིམ་པར་བཀོད་ལགས་ན། །མཉམ་པས་བླང་དོར་མེད་སྤྱོད་ཅིང་། །བྱང་ཆུབ་གཞན་ནས་མི་འཚོལ་བའི། །ཐབས་མཆོག་དཔག
127b5 གིས་མི་ལང་བའི། །ངེས་པའི་ཐེག་ཆེན་ཡོང་མ་གསུངས། །རྒྱལ་བའི་དགོངས་པ་ཚིག་གསུམ་པོ། །གདམ་ངག་ལུང་དུ་མ་བཞག་ན། །བློ་ཆུང་མུན་པས་རྨོངས་པ་རྣམས། །ངེས་པའི་བློ
127b6 གྲོས་གང་ལ་གཞག་། རྣམ་པར་ཐར་པའི་ཐེག་པ་གསུམ། །གང་བསྡུས་གང་ལ་གང་གིས་བསྡུ། །འཇིག་རྟེན་གསལ་བའི་ཉི་ནུབ་ན། །སྒྲོན་མ་གང་གིས་མཛད་པར་འགྱུར། །བསྟན
127b7 པ་འཇིག་པའི་ལོག་སྡེ་པ། །རྒོལ་བ་གང་གིས་ཚར་གཅོད་འགྱུར། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བཀའ་སྩལ་པ། རིག་པ་འཛིན་པ་ཆེན་པོ་ལེགས་སོ། །
iiif viewer powered by OpenSeadragon
