| e-texts navigator |
| Wylie |
127a1 @#། །འཕྲུལ་ཅན། ཁྱེད་དེངས་ལ་འཇིག་རྟེན་དྲུག་གི་ཕྱོགས་བཅུ་ན་ངའི་སློབ་མ་གང་དག་འཁོད་པ་འདི་བར་ཕྱོགས་པ་དག་གང་ཇི་སྙེད་པ་རྣམས་བསྡུས
127a2 ཤིག་། ངེས་པར་གཞག་པར་བྱ་བ་དག་ཡོད་དོ་ཞེས་གསུངས་པ་དང་། རྫུ་འཕྲུལ་ཅན་དེས་ཆོས་ཀྱི་སྐད་ཅིག་གིས་གོ་བར་བསྒྲགས་ནས་ཐམས་ཅད་བསྡུས་པ་ནི། འདི་ལྟ་སྟེ།
127a3 རྒྱལ་བའི་ཞིང་འགྱུར་རིས་དྲུག་གང་སུ་དག་།འདི་པར་ངེས་ཤིང་ཕྱོགས་པ་ཀུན་ཉོན་ཅིག་།དེང་འདིར་རྒྱལ་བ་བདུད་རྩི་གསུམ་འཇོག་གིས། །དུག་གསུམ་འཇོམས་པར་འདོད
127a4 པ་ཀུན་འདུས་ཤིག། དེ་སྐད་ཅེས་བསྒྲགས་པས་དམ་པའི་རིགས་ཅན་ལྔ་མ་གཏོགས་པ། འདི་ལྟ་སྟེ། སྔགས་ཀྱི་བསམ་གཏན་ཆེན་པོའི་ནང་དུ་ཡང་དག་འཇོག་པ་བསྐུལ་བ
127a5 ཆེན་པོ་ལང་ཀའི་མངའ་བདག་བློ་གྲོས་ཐབས་ལྡན་ལ་སོགས་པ་ལས་གཞན་ཐམས་ཅད་འདུས་པར་གྱུར་ཏོ། །དེ་ནས་འདུས་པ་དེ་དག་ལ་བཀའ་སྩལ་པ། ཀྱེ་གྲོགས་པོ་དག་།
127a6 ཤེས་པར་གྱིས་ཤིག། ཆོས་ཐམས་ཅད་ནི་མི་རྟག་པའོ། །འབྱོར་པ་ཐམས་ཅད་ནི་མཐར་རྒུད་པའོ། །དངོས་པོ་ཐམས་ཅད་ནི་ངེས་པར་འཇིག་པའོ། །གང་ཟག་གི་སྲོག་གི་དབང
127a7 པོ་ལ་སྐྱེ་ཤི་ཡོད་པའི་ཕྱིར་ང་ཡོངས་སུ་མྱ་ངན་ལས་འདའ་བས་སུ་དག་ཐེ་ཚོམ་མཆོད་པ་རྣམས་དྲི་བ་གྱིས་ཤིག། དེ་སྐད་ཅེས་བཀའ་སྩལ་པ་དང་། འཁོར་དེར་འདུས་པར
iiif viewer powered by OpenSeadragon
