| e-texts navigator |
| Wylie |
112a1 @#། །གནས་པས་གྲོལ་བར་ཀུན་བྱེད་ལུང་མི་སྟོན། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །རྟོགས་པས་གཉི་ཀའི་འཆིང་བ་རབ་བཅད་ནས། །མི
112a2 འགལ་མཉམ་པའི་དོན་ལ་གནས་བྱས་པས། །ཀུན་བྱེད་ད་ཡི་དགོངས་པ་ལྷུན་གྱིས་གྲུབ། །ཀྱེ། གང་གིས་འཆིང་བ་དེ་རྟོགས་བཅད་བྱས་ཤིང་། །གྲོལ་བར་མི་འཇུག་མྱ་ངན
112a3 འདས་མི་ལེན། །སྙིང་པོའི་དོན་ལ་ཕྱོགས་རིས་དམིགས་མི་འཛིན། །དོན་ལ་མི་བསྒོམ་སྙིང་རྗེ་ཡུལ་མི་འཇུག་།ཀྱེ། ཀུན་བྱེད་རྒྱལ་པོ་ང་ཡིས་གང་བསྟན་པ། །སེམས་དཔའ
112a4 རྡོ་རྗེས་དོན་ལ་གོམས་པར་གྱིས། །ཡེ་ཤེས་དྲན་པས་དབང་བསྒྱུར་རིག་པའི་ངང་། འདི་ནི་ཀུན་བྱེད་རྒྱལ་པོར་ངས་ལུང་བསྟན། །ཞེས་གསུངས་སོ། །བྱང་ཆུབ་ཀྱི་སེམས
112a5 ཀུན་བྱེད་རྒྱལ་པོ་ལས། རིག་པ་དབང་བསྒྱུར་ལ་གནས་པའི་ལེའུ་སྟེ་བདུན་ཅུ་ལྔ་པའོ།། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སྙིང་པོ་དོན་གྱི
112a6 ལམ་འདི་གསུངས་སོ། །ཀྱེ། སེམས་དཔའ་རྡོ་རྗེ་དོན་ལ་ང་བསྒོམས་ཤིག། སྙིང་པོ་མི་རྟོགས་དོན་གྱི་ལམ་འདི་ལ། །ནམ་མཁའ་མཐའ་ལྟར་གནས་པས་མ་ཁྱབ་མེད། །
112a7 སྐྱེ་མེད་མིན་པ་མེད་པས་མི་སྒོམ་མེད། །རྟོག་དཔྱོད་ཡུལ་ལས་འདས་པས་དམིགས་སུ་མེད། །སྙིང་པོ་མཚན་མ་འདས་པའི་ཡུལ་འདི་ལ། །བགྲོད་པའི་ཡུལ་ལས་འདས
iiif viewer powered by OpenSeadragon
