| e-texts navigator |
| Wylie |
111b1 ལས་ཤིན་ཏུ་འདས། །ཀྱེ། ཀུན་བྱེད་རིག་པས་དབང་བསྒྱུར་དགོངས་པ་འདི། །ངག་གིས་སྨྲང་མེད་དམིགས་པའི་ཡུལ་ལས་འདས། །དྲན་པ་ཞི་ཞིང་སྤྲོས་པ་མེད་པ་སྟེ། །
111b2 མཁའ་ལྟར་ཁྱབ་ཅིང་ཕྱོགས་ཆ་ཡོངས་ཀྱིས་མེད། །ཀྱེ། སེམས་དཔའ་རྡོ་རྗེ་དེ་བཞིན་ཉིད་སྒོམས་ཤིག་།བསྒོམ་དང་མི་སྒོམ་ཡུལ་ལས་འདས་པ་ལ། །གཉི་ཀ་འབྱུང་འཇུག
111b3 རེ་དོགས་མེད་པ་ཡིས། །མཉམ་པར་མི་འཇུག་དོན་ལ་སྒོམ་མི་བྱེད། །དབང་དང་དངོས་གྲུབ་མི་ལེན་བཅོས་སུ་མེད། །ཀུན་བྱེད་རྒྱལ་པོ་ཉིད་ལ་གུས་པར་གནས། །ཀྱེ། སྟོན
111b4 པ་ཀུན་བྱེད་རྒྱལ་པོ་ང་ཉིད་ནི། །རང་འབྱུང་སྒོམ་དུ་མེད་པའི་སྙིང་པོ་སྟེ། །ཡེ་ཤེས་གསལ་ལ་སྒྲུབ་པ་མེད་པ་ཡིན། །དབང་ནི་རྟོགས་པས་རེ་དོགས་བཅད་པ་ཡིན། །འདི་ལ་ངེས
111b5 པར་འཇུག་པའི་རྣལ་འབྱོར་པ། །ཤིན་ཏུ་རྣལ་འབྱོར་རྒྱུ་འབྲས་འདས་པའི་ལུང་། །མ་བཅོས་ཡེ་ཤེས་ཀུན་བྱེད་རྒྱལ་པོ་ལ། །གང་ལྟར་འདི་ལྟར་འཇོག་ཅེས་ལུང་མི་སྟོན། །
111b6 སྔ་བར་མ་གསུངས་ཕྱིས་ཀྱང་མི་གསུང་ཞིང་། །ད་ལྟར་བྱུང་བར་གསུངས་པར་མི་མཛད་དོ། །ཀྱེ། སྟོན་པའི་ངོ་བོ་ཀུན་བྱེད་རྒྱལ་པོ་ཡིས། །བསྒོམ་ཞིང་བསམ་དུ་མེད་པའི
111b7 ཆོས་ཉིད་ལ། །མ་བསམས་ཡལ་བར་གནས་པས་འཁོར་བ་ཉིད། །བཙལ་ཞིང་བསྒོམས་པས་རྟོག་པའི་མཚན་མའི་ལམ། །དེ་བས་རེ་དོགས་བཅས་པའི་ཏིང་འཛིན་ནི། །
iiif viewer powered by OpenSeadragon
