| e-texts navigator |
| Wylie |
110b1 བ་མེད་བའི་ཆོས་དབྱིངས་ངང་ལ་བཀོད། །སྙིང་པོའི་དོན་ལ་བླང་དོར་མེད་པའི་ཕྱིར། །དེ་ཡང་ཀུན་བྱེད་ང་ཡིས་བཀོད་བ་ཡིན། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །
110b2 སྙིང་པོ་གསུང་གི་དཀྱིལ་འཁོར་བཀོད་པ་ནི། །ཇི་ལྟར་གྲགས་ཤིང་གནས་པའི་ཆོས་རྣམས་ནི། །སྐྱེ་བ་མེད་པའི་དབྱིངས་ལས་གསུང་དུ་བཀོད། །སྙིང་པོ་བརྗོད་དུ་མེད་པའི་གསུང་ལ
110b3 འདུས། །དེ་ཡང་ཀུན་བྱེད་རྒྱལ་པོས་བཀོད་པ་ཡིན། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །སྙིང་པོ་རིག་པའི་དཀྱིལ་འཁོར་བཀོད་པ་ནི། །ཇི་ལྟར་དྲན་རིག་རྟོག་པ་ཐམས
110b4 ཅད་ཀུན། །མ་སྐྱེས་ཀུན་བྱེད་ཉིད་ཀྱི་དོན་དུ་རིག། ཀུན་བྱེད་ང་ཡི་སྐུ་གསུང་ཐུགས་ཉིད་ནི། །མ་བཅོས་རྣལ་དུ་བཞག་པའི་དཀྱིལ་འཁོར་གསུམ། །མ་བཀོད་དུས་གཅིག་རྫོགས
110b5 པའི་དོན་རྟོགས་པས། །ལྷུན་གྲུབ་སྙིང་པོ་དོན་ལ་འཇུག་པར་བྱེད། །ཀྱེ། སེམས་དཔའ་རྡོ་རྗེ་ཇི་བཞིན་ཉིད་བསྒོམས་ཤིག་།རང་འབྱུང་སྙིང་པོ་མཆོག་གི་དཀྱིལ་འཁོར་ལ། །སྒོ་གསུམ
110b6 ལྷུག་པས་ཇི་བཞིན་ངང་བཞག་ན། །ཀུན་བྱེད་ང་ཡི་དགོངས་པར་གནས་པ་ཡིན། །སྔ་རབས་འདས་པའི་ཀུན་བྱེད་རྒྱལ་པོས་ཀྱང་། །དགོངས་པ་རྣལ་དུ་བཞག་པས་དོན་རྫོགས་ལ། །
110b7 མ་བྱོན་དུས་ཀྱི་ཀུན་བྱེད་རྒྱལ་པོས་ཀྱང་། །མ་བཅོས་རྣལ་དུ་བཞག་པས་དོན་རྫོགས་འགྱུར། །ད་ལྟར་བཞུགས་པའི་ཀུན་བྱེད་རྒྱལ་པོས་ཀྱང་། །དགོངས་པ་རྣལ་དུ་བཞག་ཏེ་གནས
iiif viewer powered by OpenSeadragon
