| e-texts navigator |
| Wylie |
109b1 ཀུན་གྲུབ། །ཀྱེ། ང་ནི་སྟོན་པ་ཀུན་བྱེད་རྒྱལ་པོ་སྟེ། །རྒྱལ་བ་ཀུན་གྱི་ཕྲིན་ལས་ངས་བྱས་ཀྱང་། །རང་འབྱུང་ཡེ་ཤེས་བྱ་མེད་རྫོགས་པའི་ཕྱིར། །ཇི་བཞིན་པ་ཡི་ལས་ལ་བྱེད་མ
109b2 མྱོང་། །མ་བཙལ་ཇི་བཞིན་ཉིད་དུ་སེམས་དཔའ་ཞོག་།ཇི་བཞིན་མ་བཅོས་རྒྱལ་བའི་དགོངས་པ་ལ། །སེམས་དང་སེམས་ལས་བྱུང་བ་ཅི་སྐྱེས་ཀྱང་། །དེ་ཉིད་སྐྱེ་མེད་ཉིད་དུ
109b3 གནས་ཤེས་ན། །བྱ་རྩོལ་མཚན་མའི་འདུ་ཤེས་ཀུན་དང་བྲལ། །ཀྱེ། སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག་།རྟོགས་པ་རང་སར་གྲོལ་བའི་ལྟ་བ་ལ། །མ་ཡེངས
109b4 རང་བཞིན་བཞག་པས་བྱ་བཙལ་མེད། །ཀུན་ཀྱང་རང་འབྱུང་རང་སར་གྲོལ་བ་ཡིན། །ཀྱེ། སེམས་དཔའ་རྡོ་རྗེ་ཇི་བཞིན་ཉིད་སྒོམས་ཤིག་།རང་ལུས་མི་བཅོས་དབང་པོ
109b5 མི་རྟུལ་ཏེ། །ངག་ཀྱང་མི་གདམས་བྱ་རྩོལ་བྱར་ཡང་མེད། །སེམས་ཀྱང་གང་གཏད་མི་གཡོའི་ངང་ལ་བཞག། བྱ་བ་མེད་པའི་ཕྲིན་ལས་འདི་བསྒོམས་པས། །བྱས་པ
109b6 མེད་པར་དོན་ཀུན་རྫོགས་པར་འགྱུར། །ཀྱེ། ཇི་བཞིན་རྩོལ་བྲལ་བདེ་བ་ཆེན་པོ་ལ། །སྒོ་གསུམ་མི་རྩོལ་བཅོས་ཤིང་དམིགས་མི་བྱེད། །ཡིད་ལ་མི་བྱེད་མཚན་མའི་རྗེས
109b7 མི་འབྲངས། །རང་འབྱུང་ཡེ་ཤེས་བདེ་བའི་དོན་ལ་བཞག་།འདི་ནི་རང་འབྱུང་འོད་གསལ་དགོངས་པ་སྟེ། །ཀུན་བྱེད་རྒྱལ་པོའི་དགོངས་པའི་ཕྲིན་ལས་སོ། །ཀྱེ། སེམས་དཔའ
iiif viewer powered by OpenSeadragon
