| e-texts navigator |
| Wylie |
109a1 @#། །གསུམ་བཅོས་པར་མི་བྱ་ལྷུག་པར་བཞག་།གཟའ་དང་རྒྱུ་སྐར་ཚེས་གྲངས་དུས་ཚོད་མེད། །ཡིད་ལ་མི་བྱེད་སྔགས་དང་ཕྱག་རྒྱ་བྲལ། །དེ་བས
109a2 ཀུན་བྱེད་བྱང་ཆུབ་སེམས་ཉིད་ལ། །བསྲུང་དང་མི་སྲུང་ས་མཚམས་མེད་པར་བཤད། །ཅེས་གསུངས་སོ། །བྱང་ཆུབ་ཀྱི་སེམས་ཀུན་བྱེད་རྒྱལ་པོ་ལས། ལྟ་བསྒོམ་འདར
109a3 མེད་པའི་ལེའུ་སྟེ་བདུན་ཅུ་གཉིས་པའོ། ། །།དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་བྱ་མེད་རྩོལ་བ་དང་བྲལ་བར་རྟོགས་པ་འདི་གསུངས་སོ། །
109a4 ཀྱེ། ང་ནི་ཀུན་བྱེད་རྒྱལ་པོ་སྟེ། །ཀུན་བྱེད་རྒྱལ་པོ་ང་ཡི་དགོངས་པ་ནི། །བསམ་པའི་ཡུལ་ལས་འདས་པས་བསྒོམ་དུ་མེད། །ཀྱེ། སེམས་ནི་ཇི་བཞིན་པ་ཡི་ངོ་བོ་སྟེ། །ཇི
109a5 བཞིན་པ་ལ་འཆོས་པར་བྱེད་མ་མྱོང་། །རང་འབྱུང་ང་ལ་རྒྱུ་རྐྱེན་ཀུན་དང་བྲལ། །སྒོ་གསུམ་བཙལ་མེད་ལྷུག་པ་ཉིད་དུ་ཞོག་།གང་ཞིག་བྱ་རྩོལ་མཚན་མའི་རྗེས
109a6 འབྲངས་པ། །ཀུན་བྱེད་ང་དང་ཕྲད་པར་མི་འགྱུར་རོ། །ཀྱེ། སྟོན་པའི་ཀུན་བྱེད་ང་ཡི་ཕྲིན་ལས་ནི། །བྱ་བ་མེད་པས་རྩོལ་བའི་ལས་མི་བྱེད། །དམིགས་པ་མེད་པས
109a7 བསྒོམ་པའི་འདུ་ཤེས་བྲལ། །འདུ་འབྲེལ་མེད་པས་མ་བརྗེད་ཡིད་ལ་ཞོག་།བྱུང་ཚོར་སྐྱེ་བ་མེད་པས་གསལ་འགྱུར་ནས། །གང་ཡང་བྱས་པ་མེད་པར་ལས
iiif viewer powered by OpenSeadragon
