| e-texts navigator |
| Wylie |
108b1 བྱང་ཆུབ་སེམས། །གཉེན་པོ་མི་བསྟེན་ཡུལ་ལ་འཇུག་མི་བྱེད། །རང་འབྱུང་ལྷུན་གྲུབ་རིག་པའི་དམ་ཆིག་ལ། །འདའ་ཉམས་མེད་པས་ཆེད་དུ་བསྲུང་བ་མེད། །རང་རིག་མ་ནོར་བློ་ཡི་ཚད་མ་ཡིས། །མ་བཅོས་སྙིང་པོའི་དོན་ལ་འཇུག
108b2 པར་བྱེད། །སྐྱེ་མེད་ཐུགས་སུ་ཆོས་ཀུན་རོ་གཅིག་པས། །འཇུག་དང་མི་འཇུག་མཐའ་ལ་ང་མི་གནས། །ཀྱེ། སེམས་དཔའ་རྡོ་རྗེ་དོན་ལ་གོམས་པར་གྱིས། །དགོངས་དོན་གསང་པའི་རིག་པ་མ་ཤར་ན། །ཚིག་དང་སྒྲ་ལ་འཛིན།
108b3 བའི་གོམས་པ་དག་།ཀུན་བྱེད་ང་ཡི་ལུང་དང་ཕྲད་མི་འགྱུར། །བསྲུང་དུ་མེད་པའི་དམ་པའི་དགོངས་པ་འདི། །ཀུན་ཏུ་ཡེ་ནས་མ་བསྲུངས་གནས་པ་ལ། །ཀུན་བྱེད་ང་ཡི་དགོངས་པ་མ་གོམས་ན། །ཇི་ལྟར་བསྲུངས་པ་ཚི་ཆད་ནད་དུ
108b4 འགྱུར། །ཀྱེ། ཀུན་བྱེད་ང་ཡི་དགོངས་པའི་དམ་ཚིག་ནི། །མ་ཡེངས་དྲན་པས་དངོས་པོ་ཡེ་ཤེས་སུ། །མ་བཅོས་སུས་ཀྱང་མ་བྱས་རང་འབྱུང་སྟེ། །རིག་པས་དབང་བསྒྱུར་བསྲུང་དང་མི་སྲུང་མེད། །ཇི་ལྟར་སྣང་བའི་ཆོས་རྣམས
108b5 ཐམས་ཅད་ཀུན། །རང་འབྱུང་སྙིང་པོར་གསལ་བས་དབང་བསྒྱུར་བས། །ཀུན་བྱེད་རྒྱལ་པོས་བྱས་བའི་ཆོས་རྣམས་ལ། །རིག་དང་མ་རིག་གཉིས་ཀའི་ཡུལ་ལས་འདས། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ཡིས། །
108b6 བསྲུང་དང་མི་སྲུང་ཡུལ་ལས་འདས་པ་ལྟར། །སེམས་དཔའ་རྡོ་རྗེས་དོན་ལ་གོམས་བྱས་ནས། །ང་ཡིས་འཁོར་ལ་དེ་ལྟར་ལུང་སྟོན་ཅིག། །ང་ཡི་འཁོར་ལ་དེ་ལྟར་ལུང་བསྟན་ན། །བྱ་བའི་འདུ་ཤེས་ལམ་ལས་གྲོལ་བར་འགྱུར། །སྐྱེ་བ་མེད
108b7 པས་ཀུན་ཀྱང་ཞི་བར་འགྱུར། །ཀུན་བྱེད་རྒྱལ་པོ་ང་ཡིས་ཐུགས་སུ་འགྱུར། །ཀྱེ། ང་ནི་ཀུན་བྱེད་རྒྱལ་པོ་བྱང་ཆུབ་སེམས། །ང་ལ་སྒྲོ་དང་སྐུར་བའི་ཡུལ་མེད་བྱས། །གང་ལ་སེམས་པར་མ་བྱེད་བསྒོམ་མ་བྱེད། །སྒོ
iiif viewer powered by OpenSeadragon
