| e-texts navigator |
| Wylie |
106b1 ལ་སྨན་གདགས་པའི་སླད་དུ་རྟོགས་བའི་དོན་ལ་ཇི་ལྟར་བསྒོམ་པ་དེ་སྟོན་པ་ལ་ཞུ་བའི་དུས་ལ་བབ་བོ། །ངེས་པར་དུས་ལ་བབ་བོ་ཞེས་བསྐུལ་བས་སེམས་དཔའ་རྡོ་རྗེ་དེ་དགའ་བའི་མདངས་དང
106b2 བཅས་ཏེ་དང་ཞིང་མོས་པའི་མདངས་ཕྱུང་ནས་སྟན་ལས་ལངས་ཏེ་སྟོན་པའི་མདུན་དུ་འདི་སྐད་ཅེས་ཞུས་སོ། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ལགས། །ཁྱོད་ཀྱི་མདུན་དུ་བདག་འཁོད་དེ། །བདག
106b3 འཚལ་བ་ཡི་དོན་ནི་ཅི་ཞིག་མཆིས། །བདག་འཚལ་དོན་ནི་ཁྱོད་ཀྱིས་བསྟན་དུ་གསོལ། །ཞེས་ཞུས་པ་ལས་བྱང་ཆུབ་ཀྱི་སེམས་ཀུན་བྱེད་ཉིད་ཅང་ཡང་མི་གསུང་བར་བཞུགས་ཏེ་སེམས་དཔའ་རྡོ་རྗེས་འདི
106b4 སྐད་ཅེས་ཞུས་སོ། །ཀྱེ། སྟོན་པའི་སྟོན་པ་ཀུན་བྱེད་རྒྱལ་པོ་ལགས། །ཆོས་སྐུ་སྐྱེ་མེད་ཐིག་ལེའི་རང་བཞིན་ལ། །སྟོན་པ་གསུམ་པོ་ཉིད་ཀྱིས་ཇི་ལྟར་བསྒོམ། །བསྟན་པ་གསུམ་དུ་ཉིད་ཀྱིས་ཇི་ལྟར་བསྒོམ། །སྡུད
106b5 པ་གསུམ་དུ་ཉིད་ཀྱིས་ཇི་ལྟར་བསྒོམ། །འཁོར་གནས་དུས་ཀྱི་རང་བཞིན་ཇི་ལྟར་བསྒོམ། །ཆོས་རྣམས་ཀུན་གྱི་དོན་ལ་ཇི་ལྟར་བསྒོམ། །བསྒོམ་པའི་ལུང་བཅུ་བདག་ལ་བསྟན་དུ་གསོལ། །ཞེས་ཞུས་སོ།།
106b6 དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་འདི་སྐད་ཅེས་གསུངས་སོ། །ཀྱེ། སེམས་དཔའ་རྡོ་རྗེ་དོན་ལ་ང་བསྒོམས་ཤིག་།བསྒོམ་དུ་མེད་པའི་ཆོས་ཉིད་བྱང་ཆུབ་ལ། །སྒོམ་དང་བསྒོམ་པར་བྱ་བ
106b7 གཉིས་མེད་ན། །མ་བསྒོམས་རང་བཞིན་བཞག་ན་བསྒོམ་པ་ཡིན། །དོན་ནི་ཀུན་དོན་སྐྱེ་བ་མེད་པ་སྟེ། །རྣམ་རྟོག་མཚན་མ་དེ་བཞིན་རིག་བྱས་ནས། །དྲན་བསམ་ཡིད་ལ་རྒྱུ་བ་མ་ལུས་ཀུན། །སྐྱེ་བ་མེད་པའི
iiif viewer powered by OpenSeadragon
