| e-texts navigator |
| Wylie |
106a1 @#། །ཀུན་གྱིའང་སྐུ་གསུང་ཐུགས། །གསང་བའི་མཛོད་ལ་མངའ་བརྙེས་ཤིང་། །སྨྲ་བའི་སེང་གེ་བླ་ན་མེད། །དམ་པའི་གསང་བ་རྟོགས་པའི་ཐུགས། །གསང་བ་རྒྱ
106a2 མཚོ་སྒྲོགས་པའི་གསུང་། །ཡོན་ཏན་ལྷུན་གྲུབ་རྫོགས་པའི་སྐུ། །ཁྱོད་ནི་རྒྱལ་བའི་སྲས་པོ་སྟེ། །ཀུན་བྱེད་རྒྱལ་པོ་ང་ཉིད་ལྟར། །རྒྱལ་བ་ཀུན་གྱི་མེས་པོ་གྱིས། །ས་ཁམས་རྣམས་ཀྱི
106a3 མུན་སེལ་གྱིས། །རྣལ་འབྱོར་རྣམས་ཀྱི་བླ་མ་གྱིས། །གསང་བ་ཀུན་གྱི་རྒྱལ་པོ་སྟེ། །བསྟན་པ་ཕྱི་མ་གསང་བ་འདི། །རྣལ་འབྱོར་པ་ལ་ལུང་སྟོན་ཅིག་།ཅེས་གསུངས་སོ། །བྱང་ཆུབ་ཀྱི་སེམས
106a4 ཀུན་བྱེད་རྒྱལ་པོ་ལས། རྟོགས་པ་བསྒྲགས་ཤིང་བསྟོད་པའི་ལེའུ་སྟེ་དྲུག་ཅུ་རྩ་དགུ་པའོ།། །།རྒྱུད་ཕྱི་མ་ཞེས་བྱ་བ་མདོ་ལུང་བཅུ་གཉིས་པ་རྫོགས་སོ།། །།དེ་ནས
106a5 བྱང་ཆུབ་ཀྱི་སེམས་ཀུན་བྱེད་རྒྱལ་པོས་ཆོས་ཐམས་ཅད་སྐྱེ་བ་མེད་པར་མཉམ་པ་ལ་གཟིགས་ཤིང་དགོངས་ནས་ཅང་ཡང་མི་གསུང་བར་བཞུགས་སོ། །དེའི་ཚེ་སེམས་དཔའ་རྡོ་རྗེ་དེ་ཉིད་ཀྱང་སྟོན
106a6 བ་དེ་ལྟར་གྱུར་པ་ཡང་རིག་། ཆོས་ཐམས་ཅད་སྐྱེ་བ་མེད་པར་རྟོགས་པ་ལ་དགོངས་ནས་ཅང་ཡང་མི་སྨྲ་བར་འཁོད་དོ། །དེ་ནས་ཕྱོགས་བཅུ་ནས་ལྷགས་ཤིང་འཁོད་པའི་འདུས་པ་ཕལ་མོ་ཆེ
106a7 དག་གིས་དེ་ལྟར་རྟོགས་ནས་སེམས་དཔའ་རྡོ་རྗེ་ལ་འདི་སྐད་ཅེས་བསྐུལ་ལོ། །ཡང་དག་པར་བསྐུལ་ཏོ། །ངེས་པ་དམ་པར་བསྐུལ་ཏོ། །ེ་མ་ཧོཿསེམས་དཔའ་རྡོ་རྗེ་ཆེན་པོ་བདག་ཅག
iiif viewer powered by OpenSeadragon
