| e-texts navigator |
| Wylie |
105b1 ཡང་ཁྱོད་ཀྱིས་བཀོད། །བསྟན་པ་གསུམ་ཡང་ཁྱོད་ཀྱིས་བཀོད། །སྡུད་པ་གསུམ་ཡང་ཁྱོད་ཀྱིས་བཀོད། །དུས་གསུམ་འཁོར་ཡང་ཁྱོད་ཀྱིས་བཀོད། །རང་འབྱུང་ལྔ་ཡང་ཁྱོད
105b2 ལས་བྱུང་། །རྒྱན་གྱི་རྒྱུ་ལྔ་ཁྱོད་ཀྱིས་བཀོད། །རང་བཞིན་བཅུ་ཡང་ཁྱོད་ཀྱིས་བསྟན། །ཀུན་བྱེད་རྒྱལ་པོ་བྱང་ཆུབ་སེམས། །མདོ་ལུང་ཀུན་གྱི་ངོ་བོ་ཁྱོད། །བསྟན་པའི་མེ་ལོང
105b3 མུན་སེལ་སྒྲོན། །འཁོར་གྱི་མུན་པ་སེལ་མཛད་པ། །ཁྱོད་ནི་རྒྱལ་བ་ཀུན་གྱི་མེས། །རང་འབྱུང་ཐབས་མཆོག་ཀུན་གྱི་ཡབ། །འབྱུང་གནས་ཤེས་རབ་ཀུན་གྱི་ཡུམ། །སྤྲོས་པ
105b4 མེད་ཅིང་ཞི་བ་མེད། །ངག་ལས་འདས་ཤིང་སྙིང་པོ་མེད། །མཁའ་ལྟར་དག་ཅིང་སྤྱོད་ཡུལ་འདས། །ཀུན་གྱི་རྟོགས་པར་བྱ་བའི་ཡུལ། །སྒྲོ་སྐུར་འདས་པ་ཆོས་ཀྱི་དབྱིངས།།
105b5 ཐོག་མ་ཐ་མ་དབུས་ལས་འདས། །འཁོར་ལོ་འབྱུང་གནས་སྙིང་པོ་ཅན། །རིན་ཆེན་པདྨའི་སྙིང་པོ་ལྟར། །ཡིད་འཕྲོག་ཚིམ་པ་མེད་པའི་སྐུ། །ཐེག་པའི་སྙིང་པོ་ངག་གི
105b6 རྒྱན། །སྐུ་གསུང་ཐུགས་ལ་མཚན་མེད་དེ། །བདག་གིས་རྟོགས་དཀའི་དོན་རྟོགས་པས། །རྒྱལ་བ་ཀུན་གྱི་ཡང་མེས་པོ། །ཀུན་བྱེད་རྒྱལ་པོ་ཁྱོད་ལ་འདུད། ཅེས་བསྟོད
105b7 ཅིང་བསྒྲགས་སོ། །དེ་ནས་བྱང་ཆུབ་ཀྱི་སེམས་ཀུན་བྱེད་རྒྱལ་པོས་སེམས་དཔའ་རྡོ་རྗེ་ལ་འདི་སྐད་ཅེས་བསྒྲགས་པ་མཛད་དོ། །ེ་མ་ཧོ་སེམས་དཔའ་རྡོ་རྗེའི་སྐུ། །རྒྱལ་བ
iiif viewer powered by OpenSeadragon
