| e-texts navigator |
| Wylie |
456b1 ནས། དེའི་དབུས་སུ་གནས་པར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་སླར་ཡང་འདུས་པར་གྱུར་ནས། དེ་བཞིན་གཤེགས་པ་ཐམས་ཅད་ཀྱི་རྗེ་བོ་ལ་གསོལ
456b2 བ་བཏབ་བོ། །རྡོ་རྗེ་ཆོས་ཕྱིར་ཁྱོད་ལེགས་སོ། །རྡོ་རྗེའི་སྤྱན་ཕྱེད་ཁྱོད་ལེགས་སོ། །རྡོ་རྗེ་ཡེ་ཤེས་ཕྱིར་ཁྱོད་ལེགས། །སངས་རྒྱས་ཡེ་ཤེས་ཕྱིར་ཁྱོད་ལེགས། །གོང་བཞིན་དུ་སྦྱར་རོ། །དེ་ནས
456b3 བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་བཅོམ་ལྡན་འདས་རྡོ་རྗེ་འཆང་ཆེན་པོ་ལ་ཕྱག་འཚལ་ནས་འདི་སྐད་ཅེས་གསོལ་ཏོ། །སངས་རྒྱས་ཀུན་ལ་ཕན་པར་མཛད། །སེམས
456b4 ཅན་མགོན་ལ་གསོལ་བ་ནི། །ཁྱབ་བདག་ཐེག་པ་ཆེན་པོའི་ཚུལ། །ཐེག་པའི་མཆོག་ནི་བསྟན་དུ་གསོལ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དེ་བཞིན་གཤེགས་པ་རྣམས་ཐམས
456b5 ཅད་ལ་འདི་སྐད་ཅེས་བཀའ་སྩལ་ཏོ། །བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་དེ་སྐད་མ་ཟེར་ཅིག་།སྤྲོ་བ་མཆོག་གི་དེ་ཁོ་ན་ཉིད་ཀྱི་ཚུལ་ངེས་པར་བསྟན་པར་དེ་བཞིན
456b6 གཤེགས་པ་ཐམས་ཅད་ཀྱིས་རབ་ཏུ་གསུངས་སོ། །ཅིའི་རྒྱུས་རྡོ་རྗེ་འཛིན་རབ་ཏུ་གསུང་། བཅོམ་ལྡན་འདས་དེ་བཞིན་གཤེགས་པ་རྣམས་ཐམས་ཅད་ཀྱིས་དགོངས། དེ་ཉིད་ཀྱི་ཚེ་འཁོར
456b7 ཆེན་པོའི་དཀྱིལ་འཁོར་དུ་བྱམས་པ་ལ་སོགས་པའི་བྱང་ཆུབ་སེམས་དཔའ་ཆེན་པོ་རྣམས་ཐེག་པ་ཆེན་པོ་མཆོག་གི་དོན་གྱི་ཚུལ་ཆེན་པོ་འདི་ཐོས་ནས། རྣམ་བ་སྟོང་དུ་རྣམ་པར་བསྙིལ་བར་གྱུར་ཏོ།།
iiif viewer powered by OpenSeadragon
