| e-texts navigator |
| Wylie |
455b1 ཡོངས་སུ་རྫོགས་པ། དེ་བཞིན་གཤེགས་པ་ཐམས་ཅད་ཀྱི་ཕྱག་རྒྱ་ཆོས་ཐམས་ཅད་མཉམ་པ་ཉིད་ཐུགས་སུ་ཆུད་པ། དེ་བཞིན་གཤེགས་པ་ཐམས་ཅད་ཀྱི་རྨད་དུ་བྱུང་བའི་ཕྲིན་ལས་སྣ
455b2 ཚོགས་མཛད་པ། ཐུགས་རྗེ་ཆེན་པོའི་བདག་ཉིད་རྣམ་པར་སྣང་མཛད་ཆེན་པོ་དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་མཉམ་པ་ཉིད་ལ་དུས་གསུམ་དུ
455b3 རྟག་པར་བཞུགས་པ། སེམས་ཅན་གྱི་ཁམས་མ་ལུས་ཤིང་ལུགས་པ་མེད་པ་ཐམས་ཅད་ཀྱི་རེ་བ་ཡོངས་སུ་སྐོང་བར་མཛད་ཅིང་། དེ་བཞིན་གཤེགས་པ་ཐམས་ཅད་ཀྱིས་བསྟོད་ཅིང་བསྔགས
455b4 པ་དང་། དེ་བཞིན་གཤེགས་པ་ཐམས་ཅད་ཀྱིས་ཆོས་ཀྱི་འཁོར་ལོ་བསྐོར་བར་གསོལ་བ་བཏབ་པ་ལ་བདག་གིར་མཛད་དོ། །གཞན་ཡང་ཕྱོགས་བཅུའི་འཇིག་རྟེན་གྱི་ཁམས་ནས་འདུས་པའི
455b5 གངྒཱའི་ཀླུང་གི་བྱེ་མ་སྙེད་ཀྱི་དེ་བཞིན་གཤེགས་པ་རྣམས་དང་ཐབས་ཅིག་སྟེ། དཔེར་ན་ཏིལ་གྱི་གང་བུས་ཛམྦུའི་གླིང་ཡོངས་སུ་གང་བ་བཞིན་ནོ། །དེ་བཞིན་གཤེགས་པའི་སྐུ་རེ་རེ་ལས
455b6 ཀྱང་གཞལ་དུ་མེད་ཅིང་གྲངས་སུ་མ་མཆིས་པའི་དེ་བཞིན་གཤེགས་པའི་ཞིང་སྣང་བར་གྱུར་ཅིང་། སངས་རྒྱས་ཀྱི་ཞིང་དེ་དག་ཐམས་ཅད་ན་ཡང་གཉིས་སུ་མེད་བ་མཉམ་པ་ཉིད་རྣམ་པར
455b7 རྒྱལ་བ་མཆོག་ཏུ་གསང་བའི་ཆོས་ཀྱི་སྒོ་འདི་ཉིད་སྟོན་པར་མཛད་དོ། །ཡང་དེའི་ཚེ་ན་ལག་ན་རྡོ་རྗེ་རྡོ་རྗེ་འཆང་ཆེན་པོ་ཞེས་བྱ་བ། དེ་བཞིན་གཤེགས་ལ་རབ་ཏུ་གནས
iiif viewer powered by OpenSeadragon
