| e-texts navigator |
| Wylie |
455a1 སེམས་དཔའ་ཆེན་པོ་བདུད་ཀྱི་སྟོབས་ཐམས་ཅད་རབ་ཏུ་འཇོམས་པ་དང་། དེ་དག་ལ་སོགས་པ་བྱང་ཆུབ་སེམས་དཔའ་སེམས་དཔའ་ཆེན་པོ་རི་རབ་དགུ
455a2 བཅུ་རྩ་དགུའི་རྡུལ་ཕྲ་རབ་ཀྱི་གྲངས་དང་མཉམ་པ་དང་ཐབས་ཅིག་གོ་། དེའི་ཚེ་དེ་བཞིན་གཤེགས་པའི་མཐུ་དང་བྱིན་གྱི་རླབས་ཀྱིས་ལྷའི་རྒྱལ་བའི་ཁང་བཟང་དེ་ནི། ནོར་བུ་རིན་པོ་ཆེའི
455a3 ཁང་བརྩེགས་དང་། ནོར་བུ་རིན་པོ་ཆེ་ཆེན་པོའི་ཏོག་དང་། ཁ་དོག་སྣ་ཚོགས་རྣམ་པར་བཀྲ་བའི་དར་དཔྱངས་དང་། འཕན་དང་། གདུགས་དང་། རྒྱལ་མཚན་དང་། བླ་བྲེས་དང་།
455a4 རིན་པོ་ཆེ་སྣ་ཚོགས་ཀྱི་རྒྱན་ཕྲེང་དང་། དྲ་བ་དང་། དྲ་བ་ཕྱེད་པ་དང་། རྔ་ཡབ་དང་། མེ་ཏོག་གི་ཆུན་པོ་དང་། དྲིལ་བུ་དང་། དར་གྱི་ལྔ་ལྡི་རླུང་གིས་བསྐྱོད་པ་ལ་སོགས་པའི་རྒྱན་བཀོད
455a5 ཕུན་སུམ་ཚོགས་པ་དང་ལྡན་ཏེ། དཔེར་ན་ཟླ་བའི་དཀྱིལ་འཁོར་ཆ་ཤས་ཡོངས་སུ་རྫོགས་པ་བཞིན་དུ་ཀུན་ནས་མཛེས་པར་གྱུར་ཏོ། །སྟོན་པ་བཅོམ་ལྡན་འདས་ནི་དེ་བཞིན་གཤེགས
455a6 པ་ཐམས་ཅད་ཀྱི་རྡོ་རྗེའི་བྱིན་གྱིས་བརླབས་པའི་དམ་ཚིག་གི་ཡེ་ཤེས་རྣམ་པ་སྣ་ཚོགས་པ་ཁྱད་པར་འཕགས་པ་དང་ལྡན་པ། དེ་བཞིན་གཤེགས་པ་ཐམས་ཅད་ཀྱི་རིན་པོ་ཆེའི་ཅོད་པན
455a7 གྱིས་ཁམས་གསུམ་གྱི་ཆོས་ཀྱི་རྒྱལ་པོ་དབང་བསྐུར་བ་བརྙེས་པ། དེ་བཞིན་གཤགས་པ་ཐམས་ཅད་ཀྱི་ཐམས་ཅད་མཁྱེན་པའི་ཡེ་ཤེས་དང་ལྡན་པའི་རྣལ་འབྱོར་ཆེན་པོའི་དབང་ཕྱུག
iiif viewer powered by OpenSeadragon
