| e-texts navigator |
| Wylie |
453b1 ཁ་སྦྱོར་འབྱེད་པའི་ཆོ་ག་དང་། །གཏོར་མ་རྡོ་རྗེའི་བཟླས་པ་དང་། །དྲག་ཤུལ་སྒྲུབ་པའི་ཆོ་ག་དང་། །རབ་ཏུ་གནས་དང་དཀྱིལ་འཁོར་སྒྲུབ། །གསང་བའི་དེ་ཉིད་བཅུ་ཡིན་ན། །དཀྱིལ་འཁོར་ཏིང
453b2 འཛིན་ཕྱག་རྒྱ་དང་། །སྟང་སྟབས་འདུག་སྟངས་བཟླས་བརྗོད་དང་། །སྦྱིན་སྲེག་མཆོད་པ་ལས་སྦྱོར་དང་། །སླར་སྡུད་པ་ཡི་རྣམ་པ་ནི། །ཕྱི་ཡི་དེ་ཉིད་བཅུ་ཡིན་ནོ། །ཡང་དག་དེ་ཉིད་དངོས་པོ་མི་ཤེས
453b3 པར། །གསང་སྔགས་སྨྲ་བ་པོ་ཡིན་ཞེས་བརྗོད་པ། །དེ་དག་མངོན་པའི་ང་རྒྱལ་གསང་སྔགས་ཆོ་ག་འཆད། །དེ་ནི་དམ་ཉམས་འདི་དང་ཕ་རོལ་བརླག་།ཉམས་པས་བདུད་ཀྱིས་བཟུང་ནས་ཤི
453b4 ནས་དམྱལ་བར་འགྲོ། །སེམས་ཅན་རྣམས་ལ་རབ་བརྟེན་ཏོ། །བྱང་ཆུབ་དམ་པ་ཐོབ་འགྱུར་བ། །སེམས་ཅན་སླུ་བར་མི་བྱ་སྟེ། །བདེ་གཤེགས་ལས་ལ་སེམས་ཅན་སྦྱར། །གང་ཞིག་སྦྱོར
453b5 འདི་མི་བརྩོན་པས། །རྐང་ལག་མིག་སོགས་སྦྱིན་པ་དང་། །དཀའ་ཐུབ་ཅི་འདྲ་སྤྱད་བྱས་ཀྱང་། །བདུད་རྩི་རོ་ཐོབ་མི་ནུས་སོ། །རྣལ་འབྱོར་གཅིག་ཅིག་ཤེས་བྱས་ནས། །དབེན་པར་སོང་སྟེ་རབ
453b6 འབད་ན། །སྡིག་དག་ཚེ་འདིར་སངས་རྒྱས་འགྲུབ། །ཆོས་བདག་མེད་པར་རབ་བསྒོམས་པས། །ཐམས་ཅད་མཁྱེན་པ་ཁོང་དུ་ཆུད། །ཐབས་ཤེས་གཉིས་ཀྱི་འཇོ་སྒེག་གིས། །གསང་བ་ལྔ
453b7 ཡི་བདག་ཉིད་མཆོད། །དངོས་པོ་ཐམས་ཅད་དངོས་མེད་པར། །བཞི་བཅུའི་དོན་ནི་རྟོགས་པ་དང་། །རྡོ་རྗེ་པདྨའི་དབང་བསྐུར་བས། །བདུད་རྩི་ཡིས་ནི་དགའ་བར་བྱེད། །གསང་བར་བྱ་བའི་ཆོས
iiif viewer powered by OpenSeadragon
