| e-texts navigator |
| Wylie |
453a1 ཀྱེ་མའོ་ཐམས་ཅད་ངོ་མཚར་ཆེ། །མཁའ་འགྲོ་འདྲ་བར་གར་མཛད་ཅིང་། །རྣམ་པར་སྣང་མཛད་མྱང་བ་དང་། །མཉེ་བ་དང་ནི་འཕྲོག་པ་མཆོག་།ཀྱེ་མའོ་ཤིན་ཏུ
453a2 རབ་ཏུ་དགྱེས། །སྐལ་ལྡན་སྐལ་སྤྱོད་པ་དང་ནི། །སྣ་ཚོགས་སྐལ་བས་བདེ་བྱེད་ཆེ། །སྣ་ཚོགས་རྡོ་རྗེ་ཤིན་ཏུ་མཛེས། །དེ་ནས་དེ་བཞིན་གཤེགས་པ་ཐམས་ཅད་ཀྱི་བདག་པོ་རྡོ་རྗེ་འཆང་ཆེན
453a3 པོས་ཏིང་ངེ་འཛིན་ལས་བཞེངས་ཏེ་འཁོར་གྱི་དཀྱིལ་འཁོར་ལ་རྣམ་པར་བལྟས་ཏེ་འདི་སྐད་ཅེས་བཀའ་སྩལ་ཏོ། །ཱ་ལི་དང་ནི་ཀཱ་ལི་དང་། །དེ་བྱུང་ཟླ་བ་རྣམ་པ་གཉིས། །མེ་ལོང་ལྟ་བུའི་ཡེ
453a4 ཤེས་ཏེ། །གཅིག་ཏུ་གྱུར་པ་མཉམ་ཉིད་དོ། །ས་བོན་མཚན་མར་གྱུར་པ་ནི། །སོ་སོར་རྟོག་པར་ངས་བཤད་དོ། །དེ་བྱུང་སངས་རྒྱས་ཐམས་ཅད་ཀྱིས། །འགྲོ་དོན་བྱེད་པ་བྱ་ནན་ཏན། །
453a5 གཟུགས་བརྙན་རྫོགས་པ་ཆོས་དབྱིངས་ཏེ། །ལྷ་ཡི་དབང་པོ་སངས་རྒྱས་བསྐྱེད། །དེ་ལ་བར་མས་ཁུ་བས་བསྐྱེད། །བསྐུར་བས་རང་གི་ལྷར་བསྐྱེད་ནས། །བྱིན་གྱིས་བརླབ་པ་བྱ་བ་ནི། །རྒྱུད
453a6 རྣམས་ཀྱི་ནི་ཐུན་མོང་ངོ་། །གསང་དང་གསང་ཆེན་ཤིན་ཏུ་གསང་། །རྣལ་འབྱོར་རྣལ་འབྱོར་ཆེན་པོ་དང་། །རྗེས་སུ་རྣལ་འབྱོར་ཞེས་བྱ་དང་། །སྟོང་བ་དང་ནི་ཤིན་ཏུ་སྟོང་། །ཆེན་པོ་སྟོང་པ
453a7 ཞེས་བྱ་དང་། །དགའ་དང་དགའ་བ་བར་མ་དང་། །དགའ་བྲལ་གྱི་ནི་དགའ་བ་རྣམས། །རྒྱུད་རྣམས་ཀུན་གྱི་སྤྱི་བོའོ། །ཕྱིར་བཟློག་གཉིས་ཀྱི་ཆོ་ག་དང་། །གསང་དང་ཤེས་རབ་ཡེ་ཤེས་དང་། །
iiif viewer powered by OpenSeadragon
