| e-texts navigator |
| Wylie |
432a1 གང་དག་ལགས། །སེམས་ཉམས་སེམས་ཅན་འབྱུང་བར་བསྒོམ། །འོན་ཀྱང་སྔོན་གྱི་སྨོན་ལམ་ཤུགས། །དབྱངས་ཡིག་སྤེལ་བའི་གླུ་ལྡན་བྱ། །རིན་ཆེན་སེམས
432a2 ནི་བླུགས་པ་ལ། །བདེ་གཤེགས་རྣམས་ཀྱིས་བསྐུལ་བར་སྣང་། །ཤཱུ་ནྱ་ཏཱ་ཏི་ཡོ་ག་པཱ་དཾ་སྭཱཧཱ། པྲ་བྷ་བཱི་ཨཱ་ཀཱ་ཤ་ཏ་མཱ་པ་ག་ཏཱ་ས་མ་ཡ། ཨུ་པ་ཏ་པ་ཡནྟི་སུ་ག་ཏ་སུ་ག་ཏེ་ག་ཏི་ཤྲཱི་བཛྲ
432a3 སྭཱཧཱ། པཱུ་པུ་སྟཱཾ་ཧཱཾ། རྣམ་རྟོག་ཀུན་སྤངས་དྲི་མེད་པའི། །རྣམ་པར་མི་རྟོག་སྒོམ་པའི་སེམས། །སྔགས་ཀྱི་དེ་ཉིད་བསྐྱོད་བྱས་ལ། །ཧཱུཾ་ཞེས་པ་ཡི་གཟུགས་སུ་བརྟག་།ཏིང་ངེ་འཛིན་གྱིས
432a4 དབང་བསྒྱུར་ན། །གང་ཕྱིར་དེ་ནི་བསྒོམས་པས་ཐོབ། །དམ་པ་ནམ་མཁའི་དབྱིངས་ལ་གནས། །བྱང་ཆུབ་སེམས་ཚོགས་དེར་བཅས་ལ། །རྣལ་འབྱོར་ཡིད་ཀྱིས་ཀུན་བསམས་ནས། །རྒྱས
432a5 པར་རྣམ་པར་བརྟག་པར་བྱ། །ཡི་གེ་བྷྲཱུཾ་གྱིས་ལྷ་ཡི་གནས། །རྡོ་རྗེ་རིན་ཆེན་གྱིས་ནི་བརྒྱན། །སྒོ་ཁྱུད་རྟ་བབས་ཀ་བ་དག་།དར་གྱི་ཕྲེང་བས་རྣམ་པར་བཀླུབས། །གྲུ་བཞི་པ་ལ་སྒོ་བཞི་པ། །
432a6 དྲིལ་བུའི་དྲ་བདག་གིས་བརྒྱན། །རྟག་པར་དོ་ཤལ་མེ་ལོང་དང་། །མེ་ཏོག་ཕྲེང་བས་རྒྱན་རྣམས་བྲེས། །དེ་ཡི་དབུས་སུ་སེངྒེའི་གདན། །སེངྒེ་བརྒྱད་ཀྱིས་རྣམ་པར་བརྒྱན། །སྨོན་ལམ་དབང
432a7 གིས་དེ་དག་ཀུན། །བྱང་ཆུབ་སེམས་དཔའ་མཐུ་བོ་ཆེ། །ཤར་ཕྱོགས་བ་གླང་ཤིན་ཏུ་རྒྱས། །ལྷོ་ཕྱོགས་རྟ་ཡི་གདན་བཟང་སྟེ། །ནུབ་ཕྱོགས་སུ་ནི་རྨ་བྱ་བཤད། །དེ་བཞིན་བྱང་ཕྱོགས་ནམ
iiif viewer powered by OpenSeadragon
