| e-texts navigator |
| Wylie |
431a1 དེ་ཡོན་གྱི་མཆོག་ཡིན་ནོ། །ཤིང་རྟ་རྟ་ནི་ཤིན་ཏུ་བརྒྱན། །རང་གི་ཆུང་མ་དབུལ་བྱ་སྟེ། །རིན་ཆེན་སྣ་ཚོགས་རྣམ་དག་པ། །ཡོན་དེ་རིན་པོ་ཆེ་ཡི་རིགས། །
431a2 མུ་ཏིག་ཕྲེང་བ་ཤིན་ཏུ་མཛེས། །བུ་མོ་རིན་ཆེན་འདྲ་བ་ཡིས། །བརྒྱན་ཏེ་བླ་མ་ལ་དབུལ་བ། །ཡོན་དེ་པདྨའི་རིགས་ཡིན་ནོ། །རྒྱལ་པོ་དང་ནི་དབང་ཕྱུག་དང་། །ཆུང་མ་འཕྲུལ་གྱི་བཞོན་པ
431a3 སོགས། །གླང་པོ་རྟ་ནི་ཤིན་ཏུ་བརྒྱན། །དེ་བཞིན་གཤེགས་པ་ཀུན་གྱི་རྗེ། །ནན་ཏན་བླ་མ་དབུལ་བྱ་བ། །སྣ་ཚོགས་རྡོ་རྗེའི་རིགས་ཡིན་ནོ། །དེ་རྣམས་བཞི་དང་འགྱུར་བ་དང་། །མི
431a4 འགྱུར་བ་ཡི་བྱེ་བྲག་གིས། །གསུམ་དུ་ཤེས་བྱ་བླ་མ་ལ། །བློ་ལྡན་རྡོ་རྗེ་སློབ་མ་ཡིས། །ཅི་སྟེ་བདེ་བ་ཀུན་འདོད་ན། །དད་མོས་སེམས་ཀྱིས་དབུལ་བར་བྱ། །ཡིད་ལ་གང་བསམས་མ་ཕུལ
431a5 ལམ། །ཁས་བླངས་དེ་ནི་མ་ཕུལ་ན། །ཡི་དྭགས་དམྱལ་བ་རྣམ་གཉིས་སུ། །ངེས་པར་སྐྱེས་ཏེ་བརླག་པར་འགྱུར། །དེ་བས་དེ་རྣམས་རབ་ཕུལ་ནས། །གསོལ་བ་དག་ནི་རབ་ཏུ་གདབ། །རྡོ
431a6 རྗེ་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་ཞུགས་སོ། །སྦྱོར་བའི་དཀྱིལ་འཁོར་ཆེན་པོ་ཡི། །
431a7 དཀྱིལ་འཁོར་བདག་གིས་དེ་རིང་མཐོང་། །གསང་བའི་དཀྱིལ་འཁོར་ཆེན་པོ་ཡི། །དཀྱིལ་འཁོར་དུ་ནི་བདག་དབང་བསྐུར། །དེ་ནས་བླ་མ་དེ་ཡིས་ཀྱང་། །དེ་ལ་དབང་བསྐུར་སྦྱིན་བྱ་སྟེ། །
iiif viewer powered by OpenSeadragon
