| e-texts navigator |
| Wylie |
430a1 དག་གཟུང་། །བླ་མ་ལ་གུས་དད་པའོ། །དགེ་བསྒོམ་ལྷ་རྣམས་མཆེད་བྱེད་པ། །གཏོང་ཕོད་ཡོན་ཏན་ལྡན་པའོ། །དེ་ནས་སློབ་མ་དེ་ཡིས་ཀྱང་། །ལངས་ཏེ་ཞབས
430a2 ལ་མགོས་གཏུགས་ནས། །རྒྱལ་པོ་དབང་ཕྱུག་བདེ་དམ་པ། །གོས་དང་རྒྱན་གྱིས་ལེགས་པར་བགོས། །སྟེང་དུ་བླ་རེ་བྲེ་བར་བྱ། །གདུགས་དང་རྒྱལ་མཚན་བ་དན་དང་། །ལྷམ་དང
430a3 ཚངས་པའི་སྐུད་པ་དང་། །གདུ་བུ་དག་དང་སྐ་རགས་དང་། །བཀྲ་ཤིས་ཚིགས་བཅད་སྣ་ཚོགས་ཀྱིས། །སློབ་མ་སྡིག་དང་བྲལ་བ་ལ། །སློབ་དཔོན་གྱིས་ནི་དབང་བསྐུར་རོ། །དང་པོ
430a4 རྣམ་རྒྱལ་བུམ་པ་དང་། །དེ་ནས་ལྷ་མོ་བཞི་རྣམས་དང་། །ལྷ་རྣམས་ཀུན་གྱི་བཞི་པོ་ཡིས། །བཀྲ་ཤིས་ཚིགས་བཅད་གླུ་སྒྲ་དང་། །རྡོ་རྗེ་དྲིལ་བུ་གསིལ་བ་ཡིས། །སྐྱོབ་པའི
430a5 དཀྱིལ་འཁོར་མངོན་སུམ་དུ། །ཏིལ་གྱི་གང་བུ་བཞིན་གང་བའི། །རྒྱལ་བས་བུམ་པ་བཟུང་ནས་ནི། །དེ་ཉིད་ལ་ནི་དབང་བསྐུར་བར། །དཀྱིལ་འཁོར་དེ་ཉིད་རིག་པར་བསམ། །
430a6 དེ་ལྟ་བུ་ནི་བསམས་ནས་ཀྱང་། །ཆོས་ཀྱི་མཚན་ཉིད་བསྟན་པར་བྱ། །དེ་ནས་ཡིད་འོང་བུ་མོ་ནི། །ལེགས་པར་གོམས་པ་དབང་ཐོབ་པ། །རྒྱན་གྱིས་རབ་བརྒྱན་རབ་མཛེས་པ། །
430a7 བཙལ་ཏེ་བླ་མ་ལ་ཕུལ་ནས། །དེ་ནས་རྒྱལ་དབང་སློབ་མ་དེ། །ནང་གི་སྦས་པ་བཏུས་བ་ཡི། །གསང་བ་མཉམ་པར་འཇུག་པ་ཡི། །སྦྱོར་དང་ལྡན་པས་དབང་བསྐུར་བྱ། །རྡོ་རྗེ་པདྨོ
iiif viewer powered by OpenSeadragon
