| e-texts navigator |
| Wylie |
429b1 པར་བྱ། །དེ་ནས་སློབ་མ་དེ་ཡིས་ཀྱང་། །མེ་ཏོག་སྔགས་འདིས་གཏོར་བའོ། །ོཾ་པྲ་ཏཱིཙྪ་བཛྲ་ཧོཿ། །དེ་ནས་ཚིག་འདིས་གདོང་གཡོགས་དགྲོལ། །དེ་རིང་དད་པའི་ཤུགས་ཀྱིས་ནི། །དཀྱིལ
429b2 འཁོར་དེང་འདིར་བལྟ་བར་བྱ། །སངས་རྒྱས་རིགས་སུ་ཁྱོད་སྐྱེས་སོ། །སྔགས་དང་ཕྱག་རྒྱས་ཁྱོད་བྱིན་བརླབ། །དངོས་གྲུབ་ཐམས་ཅད་ཕུན་སུམ་ཚོགས། །དམ་ཚིག་མཆོག་ཏུ་འགྲུབ་པར
429b3 བྱེད། །རྡོ་རྗེ་པདྨོ་རོལ་པའི་མཆོག་།སྔགས་ཀྱི་བདག་ཉིད་ཤེས་པར་བྱ། །པཱ་ཤྱ་བཛྲ། གང་དག་མེ་ཏོག་གསང་བ་སྟེ། །དེ་དེ་དེ་ཡི་ལྷ་ཡང་དག་།དེ་ཡི་སྦྱོར་བ་རབ་སྦྱིན་ཏེ། །དེ་ཡི་ནན་ཏན་དུ
429b4 སྒྲུབ་བོ། །དུང་ཆེན་བདུད་རྩི་ལྔ་བླུད་དེ། །དམྱལ་བའི་ཆུ་འདིས་ཁྱོད་ལ་ནི། །དམ་ཚིག་འདས་ན་སྲེག་པར་བྱེད། །དམ་ཚིག་བསྲུངས་ན་དངོས་གྲུབ་པའི། །འཐུང་ཤིག་རྡོ་རྗེ་བདུད་རྩིའི་ཆུ། །བཛྲ
429b5 ཨུངྐ་ཐ། །དེ་ནས་སངས་རྒྱས་ཐམས་ཅད་ཀྱི། །དམ་ཚིག་དང་ནི་སྡོམ་པ་རྣམས། །བླ་མས་སློབ་མ་སྡིག་བྲལ་ལ། །ཅི་ལྟ་བ་བཞིན་བསྒྲག་པར་བྱ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་རི་མོའི
429b6 དཀྱིལ་འཁོར་གྱི་ལེའུ་སྟེ་གསུམ་པའོ། ། །།དེ་ནས་གཞན་ཡང་བཤད་བྱ་བ། །དབང་བསྐུར་བ་ཡི་ཆོ་གའི་མཆོག་།གང་གིས་ལེགས་པར་བྱེད་འགྱུར་ན། །དེ་ནི་སངས་རྒྱས
429b7 ཉིད་དུ་འགྲུབ། །སློབ་དཔོན་མཚན་ཉིད་ཐམས་ཅད་ལྡན། །ཡང་དག་ཤེས་ཤིང་རྒྱུད་ཤེས་པ། །དེ་ཉིད་བཅུ་ལ་སོགས་པ་ཡི། །གསང་རིག་ཆོ་ག་ཤེས་པ་པོས། །བསྒྲིམས་ཏེ་སློབ་མ་ཡང
iiif viewer powered by OpenSeadragon
