| e-texts navigator |
| Wylie |
429a1 རིང་མཆུ་འཕྱང་བ། །ལྷ་ཡི་གྲངས་ཙམ་སྟ་གོན་གནས། །མགུལ་བར་རས་ཀྱིས་ཡང་དག་དཀྲིས། །ལྡུམ་པུ་ཡིས་ནི་ཁ་མཛེས་པ། །རིན་ཆེན་སྨན་འབྲུ་སྣ་ལྔ
429a2 དང་། །སྤོས་ཆུ་ཡིས་ནི་རབ་བཀང་ནས། །བུམ་པ་མངོན་པར་བསྔགས་པར་བྱ། །རྣམ་རྒྱལ་བུམ་པ་དཀྱིལ་འཁོར་གྱི། །བདག་པོ་ལྷ་མོ་རྣམས་ཀྱི་བཞི། །ལྷ་རྣམས་ཀྱི་ནི་བུམ་པ་བཞི། །
429a3 སྒོ་ཡི་ཕྱོགས་ཀྱི་བུམ་པ་ནི། །ལས་ཀུན་བྱེད་པས་བཟླས་བྱས་ཏེ། །ཀུ་ཤའི་ཆུན་པོས་སེམས་ཅན་ཆེ། །འཇུག་པ་ཀུན་ལ་གཏོར་བར་བྱ། །ཡོན་དང་གཏོར་མ་མཆོད་ཕུལ་ནས། །དེ་དག
429a4 ཕྱི་གྲཝར་རབ་བཀོད་དེ། །གཡས་སུ་རྒྱལ་བ་སྤྱན་དྲང་ངོ་། །དེ་ནས་ལྷ་རྣམས་རབ་གནས་པའི། །བསམ་པའི་སྦྱོར་བས་བསམ་བྱ་སྟེ། །ཕྱག་རྒྱ་བྲལ་བའི་སྦྱོར་བ་ནི། །ལུས་ཅན་བྱིན་གྱིས
429a5 མི་རློབ་པས། །བུ་མོ་གཟུགས་བཟང་ལང་ཚོས་བརྒྱན། །དབང་ཐོབ་ལུས་རྒྱས་ཐོབ་པ་མོ། །གཡོན་མ་རྒྱན་གྱིས་རབ་བརྒྱན་ཏེ། །དེ་ཡི་འཁོར་ལོ་སྤྲུལ་བར་བྱ། །དེ་ལ་མར་མེ་བརྒྱ
429a6 སོགས་པའི། །མཆོད་པ་ཕུལ་ནས་བསྟོད་བྱ་སྟེ། །བཤད་གཅི་ཁུ་བ་ཁྲག་རྣམས་ནི། །དུང་ཆེན་པོ་རུ་བཞག་བྱས་ཏེ། །ལྷ་རྣམས་ལ་ནི་དབུལ་བར་བྱ། །དེ་ནས་མཁའ་འགྲོ་གྲོང་མཆོག
429a7 ཏུ། །སློབ་མ་རྣམས་ནི་གཞུག་བྱ་སྟེ། །རྡོ་རྗེ་ཡེ་ཤེས་རབ་ཐོབ་པའི། །དེ་བཞིན་གཤེགས་པ་ཐམས་ཅད་ཀྱི། །ཕོ་བྲང་དཀྱིལ་འཁོར་དམ་པ་འདིར། །བདག་གིས་སློབ་མ་གཞུག
iiif viewer powered by OpenSeadragon
