| e-texts navigator |
| Wylie |
428b1 ལས་དང་བཅས་པར་རབ་བཤད་པ། །རྣལ་འབྱོར་རྟོགས་པས་ཤེས་བྱའོ། །དཔལ་རྡོ་རྗེ་སྙིང་པོ་རྒྱན་གྱི་རྒྱུད་ལས་སྔགས་ཀྱི་ལེའུ་སྟེ་གཉིས་པའོ།། །།དེ་ནས་མཁའ་འགྲོའི་གྲོང
428b2 ཁྱེར་མཆོག་། དཀྱིལ་འཁོར་འཇིགས་པ་བྲི་བར་བྱ། །ལས་ཀྱི་ཆོ་ག་ཤེས་པ་ཡིས། །ཅི་རིགས་པར་ནི་ལས་རྣམས་བྱ། །ཉི་ཤུ་རྩ་ལྔའི་སྲད་བུ་ནི། །སེམས་མེད་ལས་བྱུང་བྱས་ནས་སུ། །བྱིན་རླབས
428b3 མི་བསྐྱོད་རྟག་པ་རུ། །བྱས་ཏེ་ཐིག་ནི་གདབ་པའོ། །གྲུ་བཞི་པ་ལ་སྒོ་བཞི་པ། །ཏྭེ་ར་ཎ་བཞིས་བརྒྱན་པ་སྟེ། །དར་དང་མེ་ཏོག་ཕྲེང་བས་བཀླུབས། །སྲད་བུ་བཞི་དང་རབ་ལྡན་པ། །ཟུར་གྱི་ཆ་ནི་ཐམས
428b4 ཅད་དུ། །ཟླ་བ་རིན་ཆེན་རྡོ་རྗེ་དགོད། །ལས་ཀྱི་བྱེ་བྲག་ཤེས་པ་ཡིས། །བློ་དང་ལྡན་པས་ཕྱག་རྒྱ་དགོད། །ིནྡྲ་ནཱི་ལ་ལྟ་བུ་ཡི། །འཇིགས་བྱེད་རྡོ་རྗེ་དབུས་སུ་བྲི། །ཤར་དུ་རྩིབས་བརྒྱད་འཁོར་ལོ
428b5 དཀར། །ལྷོ་རུ་རིན་ཆེན་ཟུར་དགུ་ལྗང་། །ནུབ་ཏུ་འདབ་བརྒྱད་པདྨ་དམར། །བྱང་དུ་རལ་གྲི་སྔོན་པོ་བྲི། །མེ་ཡི་མཚམས་སུ་འཁོར་ལོ་སྔོན། །བདེན་བྲལ་ཨུཏྤལ་དམར་པོ་དང་། །རླུང་གི་མཚམས
428b6 སུ་པདྨ་དམར། །དབང་ལྡན་ཨུཏྤལ་སེར་པོ་སྟེ། །རྡོ་རྗེ་ཐོ་བ་ཤར་གྱི་སྒོ། །ལྷོ་ཡི་སྒོ་རུ་རྡོ་རྗེ་དབྱུག་།པདྨའི་སྡོང་བུ་ནུབ་ཀྱི་སྒོ། །བྱང་སྒོ་རྡོ་རྗེ་ཁ་བྱེ་བ། །སྦྱོར་བ་ལྡན་པས་དགོད་པར་བྱ། །རྣམ་པ་ཉི་ཤུ་རྩ
428b7 ལྔར་ནི། །ཚོན་རྩི་དག་ཀྱང་བསྒོམ་བྱ་སྟེ། །རྡུལ་ཅོན་ལྔ་ལ་སོགས་པ་རྣམས། །རིམ་པ་བཞིན་དུ་གདབ་པར་བྱ། །དེ་ནས་བུམ་པ་གཟུང་བྱ་བ། །རྩ་བ་ནག་ནོག་མེད་པ་ཡི། །ཞབས་བརྟན་མགྲིན
iiif viewer powered by OpenSeadragon
