| e-texts navigator |
| Wylie |
426b1 ཐམས་ཅད་ཀྱང་བདེ་བ་དང་ཡིད་བདེ་བ་མྱོང་བར་གྱུར་ཏོ། །དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་དབང་ཕྱུག་གིས་རྡོ་རྗེ་སྙིང་པོ་རྒྱན་གྱི་རྒྱུད་འབྱུང་བ་ཞེས་བྱ་བའི་ཏིང་ངེ
426b2 འཛིན་ལ་སྙོམས་པར་ཞུགས་ནས། སེམས་ཅན་གྱི་ཁམས་ཐམས་ཅད་མཉམ་པ་ཉིད་དུ་དམིགས་ཏེ། དབུགས་རྔུབ་པར་མི་མཛད། དབྱུང་བར་མི་མཛད། ལུས་འགྱུར་བར་ཡང་མི་མཛད།
426b3 ལུས་གནས་པར་ཡང་མི་མཛད། དུས་གསུམ་གྱི་དེ་བཞིན་གཤེགས་པ་ཐམས་ཅད་ལ་མི་གཟིགས་མི་དགོངས་ཉེ་བར་མི་འཇིག་གོ་།ཐབས་དང་ཤེས་རབ་སྟོང་པར་ཡང་མི་མཛད། ཤིན
426b4 ཏུ་འགལ་བ་ཅན་ཡང་དག་པར་འཛུད་པར་མི་མཛད། མཐོ་རིས་ལ་ཡང་མི་འཇོག་།མ་དད་པ་རྣམས་དད་པར་ཡང་མི་མཛད། མ་དུལ་པ་རྣམས་དུལ་བར་ཡང་མི་མཛད། ཉེ་བར་འཚེ་བ་ཞི
426b5 བར་ཡང་མི་མཛད། མ་འགགས་པ་རྣམས་འགག་པར་ཡང་མི་མཛད། མ་བསྐུལ་བ་རྣམས་བསྐུལ་བར་ཡང་མི་མཛད། མ་རྒྱས་པ་རྣམས་རྒྱས་པར་ཡང་མི་མཛད། རྣམ་པར་རྨོངས
426b6 བ་རྣམས་རྨོངས་པ་སེལ་བར་ཡང་མི་མཛད། དགའ་བར་གྱུར་པ་རྣམས་མི་དགའ་བར་ཡང་མི་མཛད། མི་དགའ་བ་རྣམས་དགའ་བར་ཡང་མི་མཛད། མ་ཁྲོས་པ་རྣམས་ཁྲོས་པར
426b7 ཡང་མི་མཛད། མི་སྡུག་པ་རྣམས་སྡུག་པར་ཡང་མི་མཛད། དྲག་པོ་མ་རུངས་པ་ཆེན་པོ་དང་། གཏུམ་པོ་ཆེན་པོ་དང་། ལྷ་དང་ལྷ་མ་ཡིན་དང་ལོག་འདྲེན་དང་གདུག་པ་ཆེན་པོ་དང་ཡི
iiif viewer powered by OpenSeadragon
