| e-texts navigator |
| Wylie |
424a1 གཉིས་མེད་པའི། །གར་གྱི་བདག་པོ་ཕྱག་འཚལ་ལོ། །དྲག་པོ་མ་རུངས་ཐམས་ཅད་ཀུན། །གསུང་གི་ང་རོས་ཟིལ་གནོན་ཅིང་། །འཇིགས་བྱེད་བདུད་འདུལ
424a2 ཆེན་པོ་ཉིད། །རྒྱལ་བ་རྒྱ་མཚོ་ལ་ཕྱག་འཚལ། །ཆོས་རྣམས་མི་ཟད་མཛོད་ཐོབ་པས། །འགྲོ་བ་ཀུན་ལ་གཏེར་སྦྱིན་མཛད། །དབང་ཕྱུག་བླ་མེད་ཕྱག་རྒྱ་ཆེ། །ཅོད་པན་གཙུག་ཏོར་ཕྱག
424a3 འཚལ་ལོ། །འཇིག་རྟེན་དབང་སྒྱུར་ས་གསུམ་པ། །དྲི་མེད་ནོར་བུ་ཆེན་པོ་སྟེ། །མཚུངས་མེད་སྒྱུ་འཕྲུལ་རྒྱལ་པོ་ཆེ། །བྱང་ཆུབ་སྙིང་པོ་ཕྱག་འཚལ་ལོ། །ཞེས་དེ་བཞིན་གཤེགས་པ
424a4 ཐམས་ཅད་ཀྱིས། དཔལ་རྡོ་རྗེ་འཆང་ཆེན་པོ་ལ་ཡང་དག་པར་བསྟོད་པའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བྱམས་པ་ལ་སོགས་པ་དང་། བྱང་ཆུབ་སེམས་དཔའ
424a5 ནམ་མཁའི་སྙིང་པོ་ལ་སོགས་པ་དཔག་ཏུ་མེད་པ་དགའ་མགུ་ཡི་རངས་ཏེ། ཆོས་ཐམས་ཅད་མཉམ་པ་ཉིད་དུ་རྟོགས་པས་ཅི་ཡང་མི་སྨྲ་བར་གྱུར་ཏོ། །དཔལ་ཡེ་ཤེས་རྡོ་རྗེ་ཀུན་ལས
424a6 བཏུས་པ་ལས་རབ་ཏུ་བྱེད་པ་བཞི་བཅུ་རྩ་གཅིག་པའོ། ། །།སློབ་དཔོན་ཆེན་པོ་ཟླ་བ་གྲགས་པ་ལས་རིམ་པར་བརྒྱུད་པ། དཔལ་ནཱ་རོ་པའི་སློབ་མ་ཁ་ཆེའི་པཎྜི་ཏ་ཨཱ་ཀ་ར
424a7 སིདྡྷི་དང་། ལོ་ཙཱ་བ་དགེ་སློང་ཚུལ་ཁྲིམས་ཀྱིས་ཞུས་ཤིང་གཏན་ལ་ཕབ་བ།། །།རྒྱ་གར་སྐད་དུ། ཤྲཱི་བཛྲ་ཧྲྀ་ད་ཡ་ཨ་ལཾ་ཀཱ་ར་ཏནྟྲ་ནཱ་མ།བོད་སྐད་དུ། དཔལ་རྡོ་རྗེ
iiif viewer powered by OpenSeadragon
